Covalima (RCCT)29-08-2025-Autoridade Protesaun Sivil (APC) atribui orsamentu mão de obra ba familia vitima dezastre naturais hamotuk familia 22 husi Postu Administrativu Fatumea, Munisipiu Covalima.
Diretór Ezkutivu iha APC, Gui Savio Vicente Caeiro dehan, familia vitima sira ne’e hetan ona apoiu material kostrusaun hodi rekopera fali sira nia uma ne’ebé hetan estragus husi dezastre naturais.
Notisia relevante : https://www.rcct.tl/apc-atribui-apoiu-rekoporesaun-ba-familia-vitima-dezastre-22-iha-covalima/
“Komunidade afetadus sira hetan ona tulun ba dahuluk ninian ba material konstrusaun ninian ba atu rekopera fila fali sira nia uma kain ninian ne’ebé hetan estragus. Nivel estragus ne’e mak tama iha nivel de estragos total ninian, entaun sira hetan pakote material konstrusaun ninian kompletu I mos ohin loron ita realiza fila fali apoiu de orsamentu ba mão de obra no mos ba transporte nian tamba iha nivel estragos total aat hotu, entaun sira iha direitu hetan orsamentu total $ 1000, ne’e sei kobre ba mão de obra ninian $ 850 no mos sei hetan tan ho orsamentu transporte ninian 150” Diretór Ezkutivu iha APC, Gui Savio Vicente Caeiro.dehan.
Vitima ba dezastre naturais, Demantiana do Rosario sente konteten tanba hetan tulun husi APC no nia dehan osan ne’ebé nia simu sei uza hodi rekopera fali uma ne’ebé hatan estragos.
“APC ajuda uma mai ami depois ajuda osan lori hola material atu halo uma mos ami kontente ami fo obrigadu mos ba xefe sira ne’ebé mak ajuda ami ho sira nia kbit tomak mak ba ohin loron ami simu osan ho ho material sira ne’e hodi hadia fali ami nia uma ne’ebé aat.” Demantiana do Rosario, espresa.
Familia Vitima dezastre naturais husi Suku Nanu Postu Administrativu hamutuk 22 hetan orsamentu husi APC, ne’ebé kada familia simu $ 1000. Osan ba mão de obra $ 850 no osan transporte hamotuk $ 150.
Jornalista:Gabriel Amaral da silva
Editor : Chamot Nahac
