Covalima (RCCT) 23-06-2026-Diretor Geral Ministeriu Agrikultura Peskas, Pekuaria no Floresta (MAPPF) dependensia ba Produtu importasaun husi rai liur makas tebes husi rai laran tanba ita nia investor sira seidauk investe makas ba setor produktivu sira ne’ebe mak eziste iha ita nia rai laran.
Diretor Geral MAPPF Martinho Laurentino Soares hateten liu husi Dialogu Investimentu Sistema Ai-han Munisipal oinsa ita bele diskute kona-ba ita nia produtu sira ne’ebe mak iha ita nia rai laran hodi hasa’e nia kresimentu ba dezenvolvimentu ekonomia rai laran no garante Sustentabilidade oinsa bele hamenus produtu importasaun sira.
Ita hotu hatene katak ita presija dialogu sira hanesan ne’e tanba ita hatene agora to’o ohin loron ne’e ita nia dependensia ba importasaun ne’e boot teb-tebes, ita iha rai produtivu ne’ebe boot maibe ita nia investimentu ba setor agrikultura no mos setor inovasaun ai-han ne’e sei ki’ik tebes entaun ho dialogu sira hanesan ne’e ita hakarak atu hare oinsa setor hotu-hotu, hanesan setor privadu, emprezas ki’ikoan sira no empreza mediu sira ne’ebe liga ho setor agrikultura bele fo atensaun ba jestaun sistema ai-han ne’e tanba ita nia dependensia ba importasaun ne’e sei boot teb-tebes, agora husi Ministeriu Agrikultura investimentu ba setor agrikultura ne’e boot liu liu ba Munisipiu Covalima ne’e imi hatene potensial teb-tebes kona-ba produsaun ai-han hanesan Holtikultura, Pekuaria, Floresta no Peskas ne’e boot tebes maibe investimentu tanba sei ki’ik ita seidauk iha ema ne’ebe iha interese boot atu hare ba setor produsaun ai-han ne’e rasik no mos oinsa ita atu halo inovasaun liu liu liga ho kadeia de valor atu nune’e bele hadi’a ekonomia lokal liu liu ekonomia ba agrikultores ki’ik sira no mos ba agrikultor mediu sira tanba dala barak ita kuandu hare ba investimentu ne’e dalaruma ita fo atensaun liu ba sira setor mediu no emprezariu boot sira dala ruma ita sakrifika ema agrikultor ki’ik sira.” Martinho Laurentino Soares, relata.
Martinho Laurentino Soares mos hato’o ba Autoridade Munisipal no Autoridade lokal sira katak nafatin fo apoiu ba ita nia agrikulor sira atu nune’e sira bele tau prioridade ba setor produsaun rai laran hodi garante ai-han saudavel ba ita hotu. Informasaun hirak ne’e Diretor Geral Ministeriu Agrikultura Peskas, Pekuaria no Floresta (MAPPF) Martinho Laurentino Soares relata iha intrevista, iha aktividades Dialogu Investimentu Sistema Ai-han Munisipal ne’ebe realiza husi Ajensia Internasional FAO iha Salaun ESGP de Suai.
Jornalista Paul Mandeu
