Covalima (RCCT) 12-06-2026-Autoridade Munisipiu Covalima liu husi Autoridade Protesaun Civil, Cruz Vermelha Timor-Leste Filial Covalima apoiu emerjensia ba komunidade afetadu inundasaun ne’ebe akontese iha dia 24 no 25 Maiu tinan 2026 iha Suku Beko.
Diretor Servisu Munisipal Jestaun Risku Dezastre Natural, João Martins relata kulaker dezastre naturais sira ne’ebe mak akotese iha Munisipiu Covalma ami iha responsabilidade tomak oinsa atu proteze no apoiu komunidade tomak husi dezastre sira.
Ami husi Komisaun Jestaun Dezastre Munisipal (KJDM) kompostu husi servisu Munisipal rasik APC no mos ita nia parseiru CVTL ami ne’e ekipa, kualker dezastre ne’ebe mak mosu iha Covalima ami ekipa ne’e mak tun direita ami ekipa ne’e ema barak, maibe ekipa ne’ebe mak ativu mak tolu ne’e atu responde kualker situasaun de’it hanesan dezastre emerjensia ruma , ida fali ba rejultadu asesmentu iha dia 24 ne’e ami ekipa ne’e mak halo asesmentu ne’ebe rejultadu asesmentu ne’e katak Suku Beko identifika uma kain 26, tuir nia regras ne’e ohin ami halo asesmentu aban hanesan ne’e ka lokraik bele responde tanba situasaun iha momentu ne’eba ne’e udan iha fatin fatin no ami koresponde kuaje Postu sira iha Covalima ne’e hotu, tanba ida ne’e mak ami la konsege responde mai iha Suku Beko ne’e, tuir lolos semana ida liu ba tanba dehan ema Kazamentu iha ne’e dehan komunidade sira la iha hotu no ami muda ka adia ba ohin no momentu ne’e ami responde dezastre boot ida iha Illa Postu Administrativu Maukatar ne’e kuaje aldeia tomak ne’e afetadu hotu, sasan sira ne’ebe mak ami lori mai ne’e inan aman sira familia afetadu sira la’os responde ba tempu naruk hanesan sasan dapur nian balu no nesesidade bazika sira seluk no agora dadaun ami ne’e ema bolu dehan apoiu emerjensia” João Martins, relata.
Xefe Suku Beko, Arlindo Bernarlindo Lemos mos relata ba komunidade sira katak sasan emerjensia ida ne’e la’os selu sira maibe hanesan apoiu emerjensia ida ba sira ne’ebe mak afetadu ba inundasaun hodi nesesita netik nesesidade uma laran nian hanesan mota lori sira nia fos no sasan sira seluk.
Ha’u hatete ba ita boot sira, inan aman sira, maun alin no inan feton sira katak sasan ida ne’e la’os atu selu imi nia sasan ne’ebe atu selu imi nia sasan ne’ebe estraga iha imi nia uma laran ne’e lae, lolos ne’e sasan ida ne’e momentu dezastre ne’e ema hasai ita boot sira iha hela fatin ne’ebe la seguru ona muda fatin seluk hodi ida ne’e mak ema fo ida ne’e para ita boot sira tanba sasan sira ne’e sira apoiu ne’e sasan ida ne’ebe mak tein tasak lalais ne’e, lolos ne’e iha momentu ne’eba apoiu kedas maibe hare situasaun balun la permite no hare tempu livre uitoan ohin hodi apoiu nesesidade bazika sira ne’e ita.” Arlindo Bernarlindo Lemos, relata.
Apoiu emerjensia ida ne’e kada uma kain ida hetan Fos Globus 25 kg, Sardine, Supermi, Mina tein, Basia ida no nesesidade bazika sira seluk hodi bele sustenta afetadu inundasaun sira kompostu uma kain 26 iha Suku Beko, Postu Administrativu Suai, Munisipiu Covalima.
Jornalista Paul Mandeu
