Covalima (RCCT) 03-06-2026-Cruz Vermelha Timor Leste (CVTL) filial Munisipiu Covalima apoiu umanitaria ba komunidade sira ne’ebe afetadu ba dezastre naturais hanesan Inundasaun no Erozaun ne’ebe akontese iha Postu Administrativu Maukatar no Postu Administrativu Zumalai.
CVTL Filial Munisipiu Covalima antes atu halo apoiu umanitaria ka atu destribui nesesidade ruma ba afetadu husi dezastre naturais sira primeiru sei halo Evakuasaun no Asesmentu.
Iha ne’e baibain CVTL hala’o nia servisu primeiru ita ba halo evakuasaun ba komunidade afetadu sira no segundu mak ita ba halo asesmentu tuir observasaun ba iha dezastre ne’ebe mak akontese iha ne’eba ita observa ne’ebe mak akontese grave total, ita identifika mos uma hirak ne’ebe afetadu ba iha inundasaun ka erosaun nian depois mak ita foin halo evakuasaun. Project Officer CVTL Covalima, Octaviana do Carmo, hateten.
Project Officer CVTL Filial Covalima, Octaviana do Carmo relata katak liu husi evakuasaun no asesmentu ita hodi identifika komunidade na’in hira mak afetadu ba dezastre ne’e atu nune’e ita bele apoiu nesesidade sira bazeia ba akontesimentu dezstre refere.
Husi apoiu hirak ne’e CVTL apoi deit mak “Family Kids”, kona-ba parte ai-han ninian ida ne’e ita CVTL la iha, ida ne’ebe CVTL iha mak apoiu emerjensia hanesan “Family Kids” de’it, ita iha mos “Dignity Kids” ida ne’e ba ita nia inan sira no mos ba iha “Baby Kids”, maibe durante ne’e “Family Kids” mak ita fahe maibe “Dignity Kids” no “Baby Kids” ita sdk fahe, ita iha dadus ba komunidade sira ne’ebe mak afetadu ba dezastre erosaun hanesan foin lalais akontese iha Postu Maukatar, Suku Belecasak, Aldeia Ila hamutuk uma kain 55 ne’e mak CVTL apoiu ona Family Kids, ba iha parte inundasaun nian ita la dun apoiu barak iha ne’eba tanba husi parte governo mos apoiu Family Kids no durante ne’e CVTL apoiu deit tula sasan sira ba ekipamentus responde emerjensia nian ba iha fatin afetadu sira iha Oebaba Suku rai mea, Postu Zumalai nian iha ne’eba apoiu husi parte Governo ba “Family Kids” 22 no mos fos ka ai-han ne’ebe mak sira presija iha tempu emerjensia nian maibe husi CVTL apoiu deit evakuasaun nian”. Tenik Octaviana do Carmo.
Octaviana do Carmo mos dehan husi moto ida ba apoiu emerjensia husi parte CVTL nian katak ita atu hakmaan sofrimentu komunidade ne’ebe mak enfrenta hela ba iha dezastre ninian, ida ne’e mak durante CVTL halo no depois CVTL mos la’os’la’o mesak maibe ita kolabora hamutuk ho parte Governo nian hanesan APC parte Bombeiros no enkontru ka koordenasaun sira ne’e no informasaun barak liu ita rona husi ita nia parte Governo sira.
Jornalista Paul Mandeu
