Covalima (RCCT) 01-06-2026- Instututu Nasional de Combate ao HIV-SIDA, I.P sensibiliza komunidade Suku Beko kona-ba oinsa atu prevene ba transmisaun virus HIV-SIDA husi ema ba ema.
Programa sensibilizasaun realiza husi INSIDA, I.P ida ne’e oinsa atu hakle’an komunidade Suku Beko sira nia kuñesimentu sobre transmisaun virus HIV-SIDA husi ema ida ba seluk hanesan liu husi relasaun sexual, Tato, Daun no Inan ho oan ne’ebe sei bebe.
Liu liu ba joven sira HIV-SIDA ita la bele halimar tanba saida ita nia ai-moruk atu halakon virus HIV-SIDA la iha moras seluk ita iha ai-moruk, moras ida ne’e perigu teb-tebes iha mundo no iha Timor-Leste , iha mundo tomak ne’e ema ne’ebe infetadu ba HIV-SIDA ne’e kuaze Juta Haat nulu resin ona, ita nia maluk sira iha Indonesia ne’e kuaze rihun atus neen resin ona, nia la bele hamenus tanba buat ne’e hanesan kuda tiha ona ho ita no abut iha ita, ita iha Timor laran tomak ne’e ita iha infetadu Rihun Rua Atus Lima neen nulu resin ona iha tinan 2025, iha suai to’o fim 2025 ne’e ita iha ona atus ida tolu (103) no aumenta tan neen (6) iha tinan 2026, Suai ba infetadu HIV-SIDA hamutuk atus ida sia (109) liu husi dadus ne’e Tolu Nulu Resin Neen (36) pessoas mak lakon ona vida maibe restu ne’e iha hela tratamentu ne’e di’ak tanba virus ne’e liu husi tratamentu ne’e duni hodi prevene kedas virus refere, tanba Covalima besik liu ita nia nasaun viziñu Indonesia no fasil tebes ba transmisaun Virus HIV-SIDA.” Prezidente INSIDA, I.P Sr. Daniel Marçal relata.
Chefe Suku Beko Sr. Arlindo Bernadino Lemos relata katak prontu firme para kombate HIV-SIDA iha suku Beko ida ne’e hanesan responsabilidade autoridade suku nian.
Prontu firme para kombate Virus HIV-SIDA iha suku ida ne’e, tanba ne’e ha’u husu ba inan aman sira hotu, maun alin joven sira, partisipantes tomak komunidade Beko nian ne’ebe mak ohin mai iha ne’e ita fo ita nia atensaun ba iha sensibilizasaun ida ne’e atu nune’e ita la bele hetan problema HIV-SIDA, tanba problema ida ne’e atu hateten katak ne’e problema boot tebes tanba ne’e ita konvida komunidade sira nia partisipasaun tanto feto no mane hanesan atu hodi rona informasaun importante ba HIV-SIDA tanba virus ida ne’e tuir ha’u hatene bele hada’et husi mane no bele mos husi feto.” Dehan Chefe Suku Beko Arlindo Bernadino Lemos.
Entretanto Aktividades ida ne’e hetan abertura husi reprezentante Prezidente Autoridade Munisipiu Covalima, Sua Exelentismu Administrador Postu Administrativu Suai Sr. Ildefonso M. Amaral no programa ida ne’e sei realiza durante loron neen (6), ohin dia 01-06-2026 hahu husi Suku beko no sei termina iha dia 06-06-2026 ho programa halo Kampaña iha Resinto ESGP de Suai.
Jornalista: Paul Mandeu
