Covalima (RCCT) 10-01-24-Ministeriu Edukasaun hatun despaixu no karta sirkular ba eskola sekundaria Jeral publiku Suai simu estudante foun limitadu maka inan no aman sira iha Munisipiu Covalima konsidera diresaun nasional sira iha Ministeriu Edukasaun la halo sosializasaun para povu hatene, maibe rai deit despaixu no sikular iha pasta laran.
Reprezentante Inan no Aman Estudante iha Covalima, Zakarias do Carmo konsidera Parte Edukasaun publika despaixu no sirkular husi ministeriu ne’e tarda tanba iha tempu rejitrasaun ba estudante foun mak inan aman estudante foi hatene konba ba despaixu ministerial ne’e.
“Sikular fo sai iha dia 12 de Dezembru 2023, maibe husi diresaun laiha sosializasaun iha baze, ne’e importante, la’os mai tau tiha iha pasta edukasaun nian, to’o ba rejisto foin hasai sirkular, ami inan aman beik ne’e lahatene apa artinya sirkular, ami beik ne’e la hatene, hasai sirkular ne tenki sosialisasi ba iha baze atu ami komprende, ami konteti, se lae ami ho ami nia maluk sira, ami nia oan sira mai butuk an iha ne’e tanba ami nia oan sira lakohi ba eskola iha dok” Zakarias do Carmo lameta.
Nune’e Zakarias husu ba Ministeriu edukasaun atu koloka estudante sira husi postu administrativu suai no maukatar mak eskola iha eskola sekundaria pupliku jeral suai, no ba estudante sira husi parte Zumalai eskola deit iha eskola sekundaria jeral zumalai no Tilomar, fatumea inklui fohorem atu eskola iha eskola sekudaria jeral fohorem.
“ha’u rekomenda ba ministeriu edukasaun, para fahe wilayah, husi tilomar, ba liu iha fohorem, fatumea, fatululik sorin ba iha fohorem, maukatar, suai mai iha eskola sekundaria suai, parte maukola ba iha sma zumalai, ida ne’e mak ami sujere” tenik Zakarias.
Ho lamentasaun ne’e Sub Inspetor Jeral, Crispin da Costa Perreira, saran lia dehan parte inspesaun halo hela investigasaun konaba dadaus estundate foun sira ne’ebé tama ona iha eskola sekundaria jeral publiku suai, wainhira deteta iha estudante ne’ebé mai husi fatumea, fohorem, zumalai, fatululik no tilomar mak sei haruka fila ba asesu eskola iha eskola sekundaria publiku jeral fohorem no Zumalai.
“konfirma konaba preokupasaun sira ne’ebe mak iha, iha lamentasaun sira ne’e mak iha duni estudante husi fohorem, zumalai, fatululik mak mai rejisto iha eskola sekundaria suai, tuir duni mapa sira ne’ebe mak iha, ne’e tama iha prosesu investigasaun inspesaun jeral edukasaun nian, ne’ebe ita bo’ot sira sei rona rezultadu ida ne’e, ami sei halo konfirmasaun diretamente karik hetan ami sei haruka fila” esplika Sub Inspetor Jeral, Crispin da Costa Perreira.
Entretantu tuir despaixu husi ministeriu edukasaun fo limitasaun ba eskola sekundaria publiku jeral suai simu deit estudante foun ba anu letivu 2024 hamotuk 540, eskola sekundaria tekniku vokasional akar laran simu estudante 350, eskola sekundadia jeral Zumalai simu estudante foun hamotuk 250 no eskola sekundaria publiku fohorem simu estudante foun hamotuk 90.
Jornalista : Moichung
Editor : Chamot Nahac
