Covalima (RCCT) 19-06-2026-Xefe Suku Fohorem, Postu Administrativu Fohorem hato’o nia preokupasaun ba Autoridade Munisipiu Covalima iha programa Prezidente Autoridade Munisipal nian mak hanesan Vizita Traballu, hodi hare ba estrada diresaun Postu Admisitrativu Fohorem ba Postu Administrativu Tilomar no Fatumea.
Xefe Suku Fohorem Julio Ferreira relata estrada diresaun fohorem foin lalais halo kompremisiu husi Primeiru Ministru no Ministru Obras Publika hateten Komunidade Fohorem sei hamnasa iha tinan 2026 ba estrada fohorem maibe ate agora rejultadu ba konstrusaun estrada la iha.
Tuir promesa Primeiru Ministru no Ministru Obras Publika iha momentu inagura bee mos iha Fohorem hateten katak ami sei hamnasa ba ami nia estrada iha tinan 2026, maibe ate agora ami seidauk rona issu ida ne’ebe permanente katak ami asesu ona ba estrada di’ak ida ne’e, tanba ida ne’e ami mos hakarak tatoli tan lian liu husi na’i Prezidente Autoridade Munisipiu ho ekipa tomak atu hato’o netik ami nia lian husi Fohorem ida ne’e ba fali ulun boot sira iha Nasional, se lae ba oin ami sei la selu taxa ami ne’ebe uja motor, uja kareta ami sei la selu taxa ba estadu tanba ita boot sira halo hela deskriminasaun ba ami, ami la’o liu husi mota, liu husi dalan ne’ebe aat, rai kuak oinsa mak ami bele selu taxa ho ita boot sira ne’ebe la’o iha Aspal Goreng (Estrada di’ak) ida ne’e ami sente triste tanba ne’e mak se bele ba tinan ida ne’e halo favor bele halo estrada ne’e di’ak para ami mos bele selu taxa ba ita boot sira,” Julio Ferreira, Relata.
Hatan ba preokupasaun Xefe Suku Fohorem ida ne’e, Sekretariu Munisipal Administrasaun no Finansas Alberto Moniz de Araujo informa katak ita lakoi atu selu taxa ba transporte privadu no publiku sira maibe ita iha lei ne’ebe mak mai husi ita nia Ministeriu Transporte no Komunikasaun la hare ba estrada aat ka di’ak.
Ita ne’ebe lakoi selu tanba agora tarifa ne’ebe mak husi Servisu Munisipal Transporte nian fo sai ona katak kareta boot no kareta ki’ik ne’e selu 40 dolar no taxa 26 dolar, kareta Governo mak 10 dolar, ne’ebe kareta Governu mak selu ki’ik fali, ne’ebe kareta boot ho ki’ik ne’ebe atu selu kir ne mak 40 dolar depois nia taxa 26 dolar, maibe nia la hare ba estrada ligasaun mai ne’e atu aat ka di’ak ou Aspal nia la hare to’o iha ne’eba tanba ne’e Lei ida ne’ebe mak hatun husi Ministeriu Transporte no Komunikasaun.” Alberto Moniz de Araujo, relata.
Xefe Suku Fohorem preokupa tebes ho tarifa ba taxa ne’ebe aas ba transporte privadu sira, no preokupasaun ida ne’e relata iha vizita traballu husi Prezidente Autoridade Munisipiu Covalima Miguel Armada Cardoso iha Postu Administrativu Fohorem Suku Dato Rua.
Jornalista Paul Mandeu
