Covalima (RCCT) 24-04-25-Xefe familia hamotuk 148 iha Aldeia Foholulik, Suku Beiseuk kontinua halerik ba Estrada, tanba durante prejudika sira wainhira lori produtu local asesu ba merkadu iha kapital Munisipiu Covalima.
Tanba ne’e, komunidade sira husi Aldeia Foholulik, husu ba governu ida ne’e atu toma atensaun seriu hodi hadi’a Estrada ligasaun Postu Administrativu Suai ba Tilomar, Fatumea no Mos fohorem.
“Estrada ne’e hanesan udan bo’ot ne’e ami atu ba fa’an ami nia sasan hanesan modo, batar, aifarina sira ne’e, ami atu hodi ba merkadu Suai susar los tanba tempu udan tranporte la bele halo movimentu no ojek mos susar no ami nia preokupasaun bo’ot liu maka konaba Estrada tanba iha tempu udan no tempu bailoron Estrada ida ne’ebé mak di’ak ami nunka sente. Lusinda de Jesus, esplika.
Komunidade Nelson Vintura de Jesus, esklarese preokupasaun konaba asesu Estrada at hodi husi ba guvernu liu liu ministeriu relevante atu disidi hodi hadi’a Estrada nune’e bele fasilita sira hodi halo movimentasaun no asesu ba merkadu Munisipal iha Suai.
“Ami sempre senti maka ata hela deit entaun ho ami nia prokupasaun sira n’e husu ba ministeriu relevante sira atu responsabiliza no foti desizaun imediata para atu resolve lalais ami komunidade nia halerik, tanba ami komunidade la husu kada fulan ka kada loron ba governu maibe ami husu deit maka atu governu resolve komunidade sira halerik ba Estrada ne’e tanba hodi produtu lokal atu asesu ba merkadu la diak” Nelson Vintura de Jesus
Iha Sorin Seluk, Xefe Aldeia Foholulik, Marito Inacio, konfensa katak, aprezenta bebeik ona preokupasaun komunidade nian konaba Estrada, maibe to’o agora seidauk simu resposta sertaja husi Autoridade kompotente sira.
“Komunidade sira nia preokupasaun ba Estrada ne’e ha’u hato’o ona ba parte kompetente sira, maibe sira katak Estrada kompaña sei la’o hela, neneik atu kontinua ba tinan badak no tinan naruk nia laran. Maibe ha’u nudar autoridade husu ba governu atu hare povu sira nia halerik ne’e” Marito Inacio.
Aldeia Foholulik Lokaliza iha Suku Beiseuk, Postu Administrataivu Tilomar, hanesan baluk ida husi Munisipiu Covalima ne’ebé rabat liu ba fronteira rai maran entre Timor Leste ho Indonesia.
Jornalista : Alfredo Barreto
Editor : Chamot Nahac
