Covalima (RCCT) 10-07-25-Primeiru Ministru Kay Rala Xanana Gusmão ne’ebé akompaña husi membru sira no Autoridade Covalima inaugura fornesimentu bee-moos ba komunidade sira, iha Suku Fohorem, Postu Administrativu Fohorem, Munisipiu Covalima.
Serimonia inagurasaun bee mos iha Fohorem hanesan meiu ida kore atu povu Fohorem husi halerik durante ba dezenvolvimentu.
“ Ohin ita inaugura tiha fornesimentu bee-moos hanesan parte ida ami lori ona imi nia halerik sira hanesan presiza klinika eskola maske ita iha estrada di’ak hanesan deit” Primeiru Ministru Kay Rala Xanana Gusmão k’oalia ba komunidade Fohorem liu husi Nia diskursu, iha serimonia inaugurasaun ne’e.
Iha sorin seluk Prezidente Bee Timor Leste, Empreza Publiku (BTL.E.P), Gustavo da Cruz hatete, Prosesu fornesimentu bee-moos iha Fohorem ne’e nudar pakote kanalizasaun no pakote no instalasaun tanke rezervaoòriu ida ne’ebé gastu osan ho montante dolar Amerikanu rihun atus hitu resin.
“Projetu kanalizasaun no instalasaun tanke, ita gasta osan rihun 700-resin bele fornese bee-moos ba uma kain 200-resin ho total populasaun rihun 2-resin iha Postu Administrativu Fohorem” Nia dehan.
Prosesu implementasaun projetu bee moos iha Fohorem durante fulan 6, tanba kestaun klima no materiàl ekipamentu importa husi rai liur nune’e implementa projetu durante tinan ida-resin foin mak halo inaugurasaun.
Governu kompromitidu baze ba Planu Estratejia Dezenvolvimentu Nasional. Iha kapital Postu Administrativu 51 ne’ebé iha prioridade, BTL.E,P iha faze implementasaun projetu iha kapital Munisipiu sira ne’ebé dadaun ne’e finaliza ona iha Postu Administrativu hitu no tama ona iha faze inagurasaun.
Engkuantu iha atividade inaugurasaun ne’e, lia na’in sira husi Suku Fohorem, simu Primeiru Ministru Kay Rala Xanana Gusmão ho lia dadolin tuir kultura Postu Administrativu Fohorem, hafoin kontinua ba tau ai funan no sunu lilin ba matebian Alferis Recardo nia rate ne’ebé mate ema oho iha 1975.
Jornalista : Julio Salinas
Editor : Chamot Nahac
