Covalima (RCCT) 29-05-25-World Vision iha Timor-Leste hamutuk ho Organizasaun Naun Governu (ONG) FOKUPERS no Fundasaun Esperansa Enklave Oekusse (FEEO), loke kompetisaun negosiu ho kategoria negosiu industria mikro no industria ki’ik, ba grupu feto tarjetu sira iha Munisìpiu Covalima.
Durante ne’e , World Vision implementa programa Promosaun Feto liu husi empoderametu ekonomia ka (Power) ne’ebé implementa ona iha Postu Administrativu Zumalai, Tilomar no Fohorem, maibe iha kopetisaun ne’e sei fo mos oportunidade grupu feto sira husi Postu Administrativu seluk atu bele submete dokumentu hodi partisipa iha kompetisaun negosiu ne’e.
“Ho ida ne’e ami konfirma ona ho gropu sira ne’ebé ejiste iha suku sira ho ida ne’e ami halo preparasaun ba kompetisaun ne’ebé maka world Vision atu realiza iha Covalima, hanesan autoridade postu, prontu atu suporta sira bazeia ba kritéria husi World Vision prepara ona” Administrador Postu Administrativu (APA) Tilomar, Venansio Sarmento informasa lia ne’e ba jornalista sira hafoin partisipa ativadade sosializa no informa konaba kompetisaun planu negosiu hamutuk ho komunidade sira ne’ebé organiza husi World Vision iha salaun Administrasaun Munisipiu Covalima Kuarta (28/05).
Iha fatin hanesan, Diretóra Servisu Munisipal Apoiu Organizasaun Noã Governamentais no Organizasaun Komunitaria, Maria de Jesus Perreira, hateten, ONG sira hanesan Parseiru dezenvolvomentu iha nasaun ne’e, ho ida ne’e Diretóra husu ba grupu sira atu kontinua hamotin parseiru dezenvolvimentu liu husi Apoiu ne’ebé grupu sira hetan.
“Husu nafatin atu servisu hamutuk ho ita nia parseiru, liliu ong ne’ebé maka suporta ita nia grupu tarjetu iha postu tolu no suku sanulu resin hat, ne’ebé agora dadaun komesa atu loke tan liras iha postu seluk atu dezenvolvimentu iha Covalima la’o di’ak liu tan futuru” Diretóra Servisu Munisipal Apoiu Organizasaun Noã Governamentais no Organizasaun Komunitaria, Maria de Jesus Perreira.
Entrettantu Agensia internasional World Vision iha Timor-Leste hamutuk ho ninia parseiru ONG lokal FOKUPERS no Fundasaun Esperansa Enklave Oekusse (FEEO), durante ne’e implementa ona programa Promosaun Feto liu husi Empoderametu Ekonomia ka Power iha Suku 14 ne’ebé partense iha Postu Administrativu 3, mak hanesan Postu Administrativu Fohorem, Tilomar no Zumalai.
Jornalista : Alfredo Barreto
Editor : Chamot Nahac
