Covalima (RCCT) 25-08-25- Antonio Leite sofre moras iha bo’ot hanesan xefe familia ne’ebé forma uma kain ho nia kaben Yuliana de Jesus Lon Sofre moras mental. Antonio ho Yuliana iha oan na’in 6, maibe iha oan na’in tolu morish o kondisaun difisiensia no mos moras mental, na’in 3 seluk morish o konidisaun normal iha ne’ebé remata ona sira nia estudu iha ensinu sekundaria maibe la kontinua ba nivel universitaria tanba kondisaun ekonomia uma laran la permite.
Antonio ho ninia familia mos durante ne’e hela iha uma ne’ebé ho kondisaun la dignu. Maske nune’e durante tinan barak nia laran Antonio Leite ho familia lahetan hetan atensaun husi autoridade hahu husi nivel aldeia to’o munisipiu.
Maibei iha mandatu governasaun da sia ne’ebé lidera husi Primeiru Munistru Kay Rala Xanana Gusmão. Iha loron 25 fulan Agusto 2025 nudar loron milagre ida familia k’bit laek ne’e tan bele hetan tulun husi autoridade Covalima liu Servisu Munisipal Protesaun Sivil no Jestaun Dezastre Naturais.
“Ha’u sente kontente tanba durante tinan hirak nia laran ha’u la simu buat ida, maibe ohin ha’u bele hetan netik foos saku ida, supermi no sasan sira seluk inklui sasan tein nian, durante ne’e xefe aldeia sira mai hola ami nia naran maibe rezultadu la iha, ha’u ho ha’u nia familia hela iha uma ida ne’e tinan ida ona, uluk hela iha sorin ne’eba maibe ema na’in duni ona ami sai mai hela iha ne’e hodi hari netik uma oan ida ne’e hodi hela ba, tanba ne’e husu ba governu liliu autoridade sira iha Covalima bele tau matan mai ha’u ho ha’u nia familia bele hari netik uma ida mai ha’u tanba ha’u forsa la to’o atu hari uma, maibe ida ne’e konforme ba ukun na’in sira nia hanoin, karik ajuda ha’u simu, tanba iha tinan hirak nia laran ha’u moris ho susar tebes, ho ha’u nia oan na’in-6 na’in tolu moris ho kondisaun normal no na’in-3 moris ho kondisaun difisiensia ka moras mental” Antonio Leite, Konta.
Diretor Servisu Munisipal Protesaun Sivil no Jestaun Dezastre Naturais (SMPSJDN) Munisipiu Covalima, João Martins, informa katak Autoridade Covalima hetan informasaun husi komunidade sira hafoin fo tulun emerjensia ba Antonio ho familia iha suku Beko.
“Ami husi autoridade iha loron tolu liu ba ami simu informasaun husi nia viziñu sira, tanba ne’e maka ohin loron bele hakat mai iha ne’e hodi hare direita kondisaun familia ida ne’e moris halo oinsa, no ami mai lori kedas sasan emerjensia balu, hanesan sasan dapur nian, ai-han hanesan foos supermi fo ba ita nia maluk difisiente no agora daudaun ninia oan na’in tolu mos ninia kondisaun la normal ho nia aman rasik mos kondisaun agora ita hare daudaun, ho ida ne’e maka husu ba parte solidadridade sosial munisipiu Covalima, KDSTO no Raes Hadomi Timor Oan (RHTO) bele tau matan netik ba ita nia ema ne’ebé presija ita nia tulun, karik estadu aban bainrua bele apoiu netik uma ba fimilia ida ne’e, tanba uma ne’ebé sira agra hela ba ne’e la dignu, no husu ba autoridade lokal sira bele hare netik ita nia komunidade ne’ebé maka ho kategoria vuneravel duni bele trata sira nia dokumentus atu nune’e bele hetan apoiu ruma husi governu” nia dehan.
Antonio Leite ho nia familia ne’ebé hala iha Suku Beko, Postu Administrativu Suai, Munisipiu Covalima, Nafatin husi ba entidade ho no mos governu atu bele fo tulun no ajuda sira hodi fornese uma dignu ba nia ho familia atu bele hamahon an ba.
Jornalista : Julio Salinas
Editor : Chamot Nahac
