“Ha’u husu ba Emposada sira tenke loke liman, labele hare ba koor, servisu hamutuk, no koopera diak ho parte hotu, inklui Sesante sira, atu nune’e prosesu dezenvolvimentu iha rai Covalima bele la’o di’ak iha futuru,” Vice MAE Jacinto Rigoberto Gomes de Deus Apela.
Empozadu Administrador Posto Administrativu Suai Idelfonsu Maria Amaral, Prontu atu servi povu suai tuir regulamentu no lei ne’ebé mak nuno Governu hatur ona no sei tau prioridade ba programa esensial sira hanesan Saude, Agrikultor, no Edukasaun tanba tanba kosidera mais Importante ba ba povu Suai.
“ha’u nia planu ba oin maka pronto atu servi tuir regulamentu lei ne’ebé vigor ona tuir estatutu diploma ministerial ne’ebé hatur ona ba programa nonu governu nian, iha ne’eba ha’u nia planu sei la ses husi programa ne’ebé planeadu husi nonu governu nia programa, programa esensial maka halai liu ba iha Saude, agrikultura no edukasaun, tanba iha programa hirak ne’e importante tebes ba iha area Postu Administrativu Suai, tanba durante ne’e tuir ha’u nia observasaun iha parte edukasaun, agrikultura no saude seidauk sufsiente, iha setor tolu ne’e ha’u sei esforsu ho ha’u nia xefe suku sira tuir programa ne’ebé asembleia postu administrative iha ne’eba maka ami sei halo planu hamutuk hodi enkamina ba nivel munisipiu , ida ne’e hanesan kna’ar ida ne’ebe foin iha ne’eba ha’u sei haree liu lai tanba iha ne’eba ha’u hanesan membru asembleia ida konvoka reuniaun ida ho sira para atu bele ko’alia asuntu ida ne’ebe importante tuir planeadu ne’ebe iha, sei lao tuir ajenda planeadu husi mata dalan ne’ebe mai husi sentral” deklara Administrador Posto Administrativu Suai Idelfonso Maria Amaral, ba jornalista sira hafoin remata simu pose ne’ebe hala’o iha salaun Diamond Audian Kamanasa, Suai, Tersa (06/02).
Diretór Servisu Munisipal Patrimonio no Logistik Munisipiu Covalima, Aquinelio Amaral Barros do Rego manisfeta iha komitmentu atu kontrola patrimonia estadu nian ne’ebé iha Munisipiu Covalima.
“Planu Diretór nian maka oinsa atu bele kontrola sobre patrimonia estadu iha ita nia Munisipiu Covalima, no mos ha’u sei foka liu ba iha transporte liliu ba kareta sira oinsa kada motorista karik atu halo movimentu ba kobertura bele mos uza tripica atu nune’e oinsa nia bele jere ona ba iha konbustivel, ha’u nia mekanismu hahu aban kuarta sei halo hela enkontru ida ho ha’u nia funsionariu sira, depois ha’u sei tau planu para sei halo kontrolu movimentu ba iha postu sira hodi haree ita nia patrimonia estadu ne’ebe iha ita nia postu no mos iha ita nia suku sira, atu haree ninia kondisaun ba patrimonia hirak ne’ebe hanesan kareta ho motorizada inklui ita nia mobiliariu sira iha postu laran, ha’u sei dauk” nia esplika
Etretantu Tomada de Pose ne’e hala’o iha Salaun diamond Audian Camenasa, hetan partisipasaun husi Vice Ministro Administrasaun Estatal Jacinto Rigoberto Gomes de Deus ne’ebé akompaña husi Sekretariu Estadu Dezenvolvimentu lokal Mateus dos Santos Talo no Sekretariu Estadu Asunto Toponomia Organizasaun Urbana Germano Santa Brites Dias, partisipa mos husi Autoridade Sesante Munisipiu Covalima Inklui Autoridade Munisipiu Covalima ne’ebé foin simu pose kompostu husi sekretariu Munisipais Na’ in 3 no Diretór servisu municipal na’in 18 inklui Administrador Postu Administrativo 7 .
Jornalista : Moichung
Editor : Chamot Nahac
