UNICEF Timor Leste apoiu Material EPC hamotuk item 21 ba Servisu Saude Covalima.

Covalima ( RCCT ) 09-02-21 UNICEF Timor Leste servisu hamutuk ho Ministerio Saude (MS) fo apoiu material Equipment Protect Collective ( EPC ) no Dis- infecta  ba servisu saude Covalima no mos ba Autoridade servisu fronteira  salale  mak hanesan Pessoal Saude,UPF,F-FDTL, Polisia Servisu Imigrasaun no Alfandega.

Reprezentante MS Mediku Jeral Helder Mendonsa hatete ekipamentu  EPC nebe mak UNICEF Timor Leste no Ministerio Saude apoio Maioria Sasan Disifektan.

“kompozisaun husi material ne’e barak liu sasan disinfesta, plastiku Lisiu  nian, no mos balu material ba protesaun Pesoal.kompozisaun material hirak ne’e hamutuk iha item 21, governu halo kordenasaun entre ekipa pilar 6  suporta husi parseiru dezenvolvementu UNICEF  hodi apoiu timor leste liu husi formasaun Servisu Autonomu Mediku ho Ekipamentus Saude ( SAMES ) nian mak ita hetan material hirak ne’e ” Helder Esplika iha Edifisiu  Servisu Saude Municipal Covalima Segunda Feira (08-02-21) iha Ladi Suai.

Mediku Jeral Helder sublinha situsaun real nebe Autoridade seguransa no pesoal sira nebe mak servisu iha lina fronterira  hasoru menus de ekipamentus ba Protesaun Pesoal sira tanba ne’e atu responde ba situasaun ne’e MS halo ona Distribuisaun Maskra no ekipamentu balu ba ona autoridade servisu  Linha Fronteira sira.

“Situasaun real ne’ebe mak durante ne’e membro seguransa no ema sira ne’be mak servisu iha linha frontera salele  hasoru mak iha difikuldade ba material husi ministerio saude nian ne’ebe ligadu ho moras covid 19 nian , maibe ita esforsu nafatin hodi responde ba limitasaun sira ne’e, ohin ita distribui kedas maskra ba sira, ita hein katak iha tempo oin mai it abele lori tan matrial nebe tuir sira nia ezizensia” Tenik Mediku Jeral Helder.

Reprezentante MS, Medicu Jeral Helder Mendonça hateten ba oin MS sei fo nafatin apoiu ba pessoal saude sira nebe mak servisu iha Mucisipio  liu liu ba ema sira nebe mak servisu iha Area froteira sira, nia dehan Governu Timor Leste liu husi MS la’os hare deit ba pesoal saude deit maibe hare ba ema hotu nebe mai servisu iha linha fronteira sira liga ho Prevensaun COvid-19 ne’e.

“ MS la tau matan deit ba pesoal saude sira, maibe ita konsidera katak fo perioridade mos ba ema pesoal sira ne’ebe mak servisu iha area fronteira hanesan Polisia UPF, F-FDTL, Polisia Servisu Imigrasaun no Alfandega, inklui mos kliner sira tamba ema sira ne’e mak primeiru simu ema sira ne’ebe mak tama mai iha ita nia Nasaun ida ne’e ” Helder hakotuk.

Jornalista         : Saturnino Soares

Editor               : Chamot Nahac