Covalima (RCCT)-09-04-21 Relasiona ho Inundasaun nebe akontese tanba impaktu husi udan no anin bo’ot iha semana kotuk, halo Komunidade barak maka sai vítima ba Dezastre Natural, maka Sesta Feira ohin (09-04) ekipa husi Dirasaun Dezastre Municipio Covalima (DDMC) kontinua halo asesmentu hodi foti dadus KOmunidade Vitima sira iha Posto Administrativu Zumalai.
Iha asesmentu ne’e, ko’alia ba Jornalista RCCT Koordenador Protesaun Civil Municipio Covalima Benjamin Amaral klarifika, Total dadus nebe maka identifika iha Postu Administrativu Zumalai iha Suku 4, hamotuk total uma kain 49,
Tanba ne’e rezultadu husi asesmentu ne’e komunidade vitima iha Suco Raimea mak sei simu uluk apoio emerjensia iha Loron Sabado (10-04-21) aban, no Suco sira seluk nebe identifika ona, sei hein dadus husi Sexe Suco ida-idak tanba dadus seidauk kompletu.
“ Ami foti dadus ida ne’e kontinuasaun deit ona, no ohin loron ami kontinua foti dadus iha Zumalai, ne’e maka ho total dadus nebe maka ohin ami foti iha Postu ida ne’e, maka iha Suco Raimea total uma kain 32, Lepo 2, Lour 4, Mape 11, no total estragus total ne’e hamutuk 2, tanba ne’e Suku Raimea nian aban ami apoio emerjensia kedas, no Suco seluk ne’e hein lai tanba dadus seidauk kompleto ” Cordenador Protesaun Civil ne’e dehan iha Aldeia Webaba Suku Raimea.
Cordenador Protesaun Civil esplika, ba komunidade sira nebe maka uma monu total, Ekipa sei haruka relatorio ba Nasional atu nune’e bele hetan apoio Material konstrusaun.
“ Ba sira ne’ebe maka nia uma monu total, ha’u labele promete tamba ami sei haruka relatório ba Nasional, atu nune’e ema husi Nasional maka bele foti desizaun konaba ida ne’e ” Benjamin Hatutan.
Cordenador Benjamin Fundamenta, antes Zumalai DDMC halo ona apoio emerjensia Suco Suai Loro no Suco Beko, hafoin mak iha Postu administrativu Zumalai.
“ Antes ne’e apoio halo ona emerjensia ba komundade afetadu sira iha Suco Suai Loro no Suco Beko, no ohin maka ami foin mai halo asessmento iha ne’e, nebe aban maka ami sei lori sira nia apoio emerkensia ne’e mai ” Benjamin esplika.
Entertanto tuir informasaun ne’e jornalista RCCT Asessu husi Ekipa DDMC katak, ba Loron aban Sabado (10-04) Ekipa DDMC sei apoio emerjensia ba Vitima inundasaun iha Posto Zumalain Suco Raimea no Posto Administrativu Fatumea.
Jornalísta : Tynho Gusmão
Editór : Chamot Nahac
