Covalima (RCCT) 17-07-25-Tribunal Judisial Primeiru Instansia Suai (TJPIS) adia julgamentu ba kazu furtu agravadu ne’ebé previstu iha kodigu penal artigu 252 numeru 1 iha alinea a, d, no k, ne’ebé deskunfia arguidu na’in tolu foti fatuk lulik iha Bobe Tutun Ainaro iha tinan 2023.
Advogadu Privadu Ismael Assunção Lopes esplika ba jornalsita sira dehan TJPIS adia julgamentu ba kazu furtu agravadu ne’e tanba arguida na’in aujensia iha tempu julgamentu ohin loron 17 fulan jullu 2025 ho razaun kondisaun moras, nune’e julgamentu refere adia fali ba loron 09 fulan Outubru tinan ne’e iha oras tuku 09 dader.
“Primeiru Julgamentu ba prosesu ne’e maibe tanba falta arguidu ida nia kondisaun moras entaun ohin justifika iha tribunal ho ida ne’e mak tribunal adia fila fali ba julgamentu ne’e ba iha dia 9 de outobru 2025. Ida ne’e mak razaun tanba normalmente tuir artigu 116 segundu alterasaun kodigu prosesu alternal uluk agrguidu sira nia deklarasaun mak foin rona lezada ho testamonia ne’e se não ser tribunal audensia hein arguidu ne’e mai hodi presta deklarasaun ne’e mak rona lezadu ho sasin sira” Advogadu Privadu Ismael Assunção Lopes, esplika.
Entretantu fatuk lulik ne’ebé mak lakon iha Bobe, Hatu Udo, Munisipiu Ainaro ne’e deskunfia foti husi arguidu na’in tolu iha tinan 2023, hodi ba tau iha istana KORK Ainaro, maibe polisia investigasaun kriminal nasional mai rekolla hikas fatuk lulik nee hodi ba tau fali iha bobe tutun fatuk lulik ne’e entrega kedas ba komunidade iha bobe tutun hod’i ba hatur hikas iha Aldeia Bobe, Suku Ailiko, Postu Administrativu Hatu Udo Munisipiu Ainaro.
Jornalista : Alfredo Barreto
Editor : Chamot Nahac
