Covalima (RCCT) 08-10-25-Tinan ne’e governu realiza Festival Fronteira (FF) 2025 ba dala III iha Munisipiu Covalima hodi hametin amizade entre timor oan sira ne’ebé hela fahe malu tanba difirensia iha ideia politika hodi balu hela iha timor osidental no balun hili nafatin hela iha rai doben Timor Leste.
Wainhira simu delegasaun sira husi Nusa Tenggara Timur (NTT) Indonesia, Prezidente Autoridade Munisipiu Covalima, Miguel Armada Cardoso (Razão) hatete, hahu kedas husi bei ala sira mai to’o agora hatur nanis ona katak Timor Leste ho Timor osidental iha lisan no kultura ne’ebé hanesan.
“Timor Leste no Timor Osidental ne’e ida deit, iha lisan no kultura, uma lisan ida iha TImor , ida iha Timor osidental. Ita nia objetivu ida deit, atu hametin ita nia relasaun no atu fo oportunidade ba foinsa’e sira atu kontinua ita nia lisan no tradisaun” Prezidente Autoridade Covalima, Miguel Armada Cardoso (Razão), dehan iha Kampu Ladi Suai, (08/10).
Autoridade Covalima ne’e husu ba foinsa’e sira husi Timor Leste no Timor Osidental atu kontinua hametin relasaun hodi prmove kultura entre rai rua (NTT no Timor Leste) ne’ebé laiha difensia.
“Oprtunidade ba foinsa’e sira atu kontinua promove lisan no kultura tanba ita nia kultura la diferensia, ita hanesan, tan ne’e fo esperasa ba foinsa’e sira atu kontinua komprende hodi kontinua hala’o iha futuru” Tenik PAM Covalima.
Iha eventu Festival Fronteira 2025, Governu anima Povu Covalima ho atividade sira mak henesan, performasaun arte no kultura, Konsertu Musika husi Banda Lokal, Nasional no Banda sira husi NTT Indonesia, atividade despotu, seminariu no dialogu ho tema Interkambio kultural ba hametin rekonsiliasaun.
Reportazen RCCT
