Timor Aid no Fundasaun Alola (TAFA) halo parseria ho UNWOMAN kontinua fasilita Rede Soru Nain iha Municipio Covalima.

Covalima-RCCT- TAFA (Timor Aid no Fundasaun Alola), halo asesmentu ba rede soru na’in iha Municipio Covalima  liu husi halo advokasia no fo treinamentu ba membro rede Suru Na’in sira kona ba oinsa mak atu nele ka’olia ba publiku, lia ne’e hato’o husi reprezentante Timor Aid Felicidade Auxiliadora Correia ba Jornalista sira iha Edifisiu Timor Aid Covalima, Tersa Feira (20-10-20).

Reprezentante Timor Aid iha Aktividade ne’e mos dehan, molok halo Asesmentu ne’e, uluk na’in Timor Aid harii ona Rede Soru Na’in ne’e iha Muncipio Covalima no mos RAEO Oecusse iha tinan 2019, no iha tinan 2020 Timor Aid mos harii tan rede soru nain iha Municipio Lautem no Bobonaro.

Tan ba ne’e iha Tinan 2020 Timor Aid no Fundasaun Alola(TAFA), halo Asesmentu iha Covalima no mos halo Planu annual ba Rede Soru Na’in iha Municipio Covalima ba tinan 2020 ninian.

 “Aktividade ba tinan ida ne’e nian, nebe ami hala’o iha Covalima mak; halo asesmentu ba soru na’in sira depois ami sei hare mos sira nia planu annual tinan ida ne’e nian ba rede soru na’in  Covalima, aleinde ida ne’e  ami mos sei halo advokasia no halo treinamentu kona ba oinsa mak sira atu ko’alia iha publiku”dehan  Reprezentante Timor Aid ba Aktivdade ne’e, Felicidade Auxiliadora Coreia.

Felicidade  sublinha rede Soru na’in Covalima hanesan Subrinha ida ba ema sira nebe hatene soru tain iha Covalima nia laran, tan ne’e individual ka husi grupo ruma.

“Agora dadaun sira nebe tama iha Rede Soru Covalima ne’e foin mak soru na’in sira husi Postu Administrativu Suai no Maukatar, tan husu atu bao in Soru na’in hotu-hotu iha covalima bele sai Membru ba rede ida ne’e, tanba rede Soru Covalima ne’e hanesan Subriha ka mahon ida ba soru nain hotu hotu iha covalima laran”Tenik Felicidade.

Iha fatin Kordenador rede soru tais  Municipio Covalima Santina de Jesus Senti orgulho ho parseiru sira nia interese hodi fo kapasitasaun ba nia membru Rede Soru Tais  Municipio  Covalima.

Maibe Santina dehan Durante grupu feto sira ladun asesu ba iha merkaduria no sira mos infrenta problema laiha fatin ba sira iha Covalima rasik no mos iha Nasional ba sira atu tau/rai sira nia produtu nebe iha liliu kona ba produsaun tais nebe sira produs.

 “Durante ne’e iha grupu soru tais, feto sira iha aktividades barak nebe hala’o tiha ona, maibe ami ladun asesu ba merkadu, tanba iha Munisipiu Covalima rasik seidauk iha fatin tau produtu tais iha nebe ami iha ona, depois mos iha nasional seidauk iha fatin ida atu tau feto nia produtu tais iha ne’eba.” Dehan kordenadora Rede Soru Tais Municipiu Covalima Santina de Jesus.

Tanba ne’e Xefe Rede Suru Tais Covalima ne’e rekomenda ba Autoridade Lokal sira Covalima bele prepara fatin ida ba sira hodi bele tau ka rai tais nebe sira produs ona durante ne’e, no mos husi liu ba ministerio relavante atu bele ajuda sira hodi kria rede no halo promosaun ba sira nia produtu iha nivel Nasional to’o Internasional.

“hau rekomenda ba Ministerio relevante no autoridade Lokal sira atu bele kria fatin ida nebe di’ak mai ami, nune’e ami bele utiliza hodi tau ami nia produtu tais sira ne’e, ami mos husu atu ministerio relevante bele ajuda ami hodi kria rede no halo promosaun ba ami nia produtu tais sira ne’e ba to’o nivel Internasional” Santina hakotu.

Jornalista : Ade Gorete/ Asatu Soares

Editor       : Chamot Nahac