Diretór Terras Propriedade no Servisu Munisipiu Covalima, Carlos Caitano, hatete daudaun ne’e funsionariu Terras iha Covalima hamotuk na’in 10, maibe husi na’in 10 ne’e iha na’in 5 kontratadu, aleinde ne’e infrenta mos difikuldade konaba laiha komputador no transporte.

“Hanesan forsa traballu ba diresaun ida ne’e nian ami iha funsionariu na’in-10 maibe agora menus ida hodi destaka fali ba iha nasional tan ne’e hela deit ami na’in-9, maibe husi numeru ida ne’e na’in-5 staff kontratadu, funsionariu permanente hela deit ami na’in-4, durante ami hala’o servisu ho situasaun no kondisaun ne’ebé maka menus fasilidade, hanesan menus informatika (IT), komputador ida mos fasilidade hanesan transporte ami laiha oinsa atu hodi fasilita funsionariu sira apoiu servisu iha terenu, maske laiha transporte bainhira tun ba iha terenu obrigatoriu ami tenke ba ho ami nia transporte privadu” informa Diretór Diretór Terras Propriedade no Servisu Munisipiu Covalima, Carlos Caitano ba RCCT iha nia kna’ar fatin Terras Propriedade Munisipiu Covalima Tersa (30/01).

Nia informa terras iha duni motorizada rua maibe ida ne’e la sufisiente ba funsionariu sira atu bele utiliza ba servisu iha terenu.

“Iha duni mototrizada rua ne’ebé maka durante ne’e funsionariu sira utiliza hodi hala’o servisu mais ida ne’e la sufisiente bainhira ita halo prosesu responde ba rekerementu ida ne’e iha tekniku kompostu husi ema na’in-3-4 tenke servisu hamutuk entaun ida cadastru ninian ba sukat para halo mapamentu, ida arendamentu foti informasaun no mos halo avaliasaun ba arenda no ida fali mos tun ba iha terenu hodi rekolla informasaun halo prosesu ba iha entidade sira ikus hodi hola desizaun to’o iha prosesu kontratu ne’e ba kliente sira, maske kareta sei dauk iha hanesa ita hotu hatene nonu governu foin maka lao hela hanesan ne’e la signifika katak situasaun sira ne’e la sai impedimentu boot ida ba ita maibe ita iha vontade boot para servisu nafatin mesmu kondisaun hanesan ne’e, ida ne’e maka ami nia infrenta mesmu kareta laiha mantein para hala’o servisu nafatin hodi hadi’a Covalima” nia dehan

Entretantu Diretór Terras Propriedade no Servisu Munisipiu Covalima, Carlos Caitano mos dehan maske terras infrenta situasaun difísil ne’e maibe la sai bareira bo’ot ba funsionariu sira, hanesan forsa traballu estadu nian mantein hala’o servisu, nudar Covalima oan prontu servisu nafatin hodi hadi’a ba iha futuru rai Covalima nian.

Jornalista : Julio Salinas

Editor : Chamot Nahac