Covalima (RCCT) 09-03-2023, iha avaliasaun kampaña nasional vasunasaun integradu Reprezenta Administrador Munisipiu Covalima Francisco Mendonca “Tatamero” rekomenda ba Ministériu Saúde (MS) atu hadi’a serbisu atendimentu ba pasiente sira no haree ba ekipamentu sira ne’ebe sei menus iha ospital refaral tanba durante publiku sempre kestiona kona-ba kondisaun ospital referal no atendimentu mediku sira iha fasilidade saude sira.
“Iha biban ida ne’e hau hakarak dehan liliu kona-ba ospital tanba ida ne’e mos responsabilidade iha Ministériu Saúde atu haree mos kondisaun ospital referal sira iha no mos ba atendimentu presijamente hadi’a nafatin ou atu mantein tenke iha transformasaun eleva ninia dezenpenu ne’e diak liu tan iha oras serbisu, hau la refere ba ida ne’e mais hau lee iha media sosial iha fatin balu pasiente sira mai konsulta iha fasilidade saude sempre hein tau deit naran mos kleur loos tan ne’e mak husu MS tenke hadi’a buat sira hanesan ne’e” informa Reprezenta Administrador Munisipiu Covalima Francisco Mendonca “Tatamero” hafoin loke abertura ba avaliasaun kampaña nasional vasinasaun integradu iha Polo Saude Munisipiu Covalima, Kinta (09/03).
Nia haktuir durante ne’e nia parte lee iha media sosial katak adves ema ne’ebe atu simu hodi tau deit ema nia naran mos kleur loos, serbisu ne’e hanoin orariu hanesan karik iha oras ruku 2: 00 hotu-hotu iha ina serbisu fatin maibe iha fasilidade saude balu tama ona ba oras tuku 2:00 atu tama ona ba oras tuku 3 mos enfermeiru ka mediku sira ne’ebe atu atende komunidade ba konsulta iha fasilidade saude sira sei dauk mai husi uma nafatin ida ne’e susar uitoan.
Tatamero husu mos ba iha serbisu saude Munisipiu Covalima atu bele kontinua haruka pesoal saude sira tun ba to’o iha area remotes sira ne’ebe inan-aman sira ne’ebe sei dauk lori sira nia oan hakbesik ba iha fasilidade saude hodi simu vasinasaun maske vasinasaun ida ne’e remata ona.
“Tanba ohin protokolu mos dehan durante vasinasaun lao fulan ida resin iha Covalima maibe iha ema balun mos sei dauk la lori nia oan mai simu vasina, adves mos sira labele lori sira nia oan mai tanba ita nia pesoal saude sira la ko sege to’o sira nia fatin tanba problema distansia hanesan iha Postu Administrativu suai karik iha Suku Beko sae ba iha Aldeia Teda, Tobur, postu Zumalai iha Suku Ucekai, Lepo, parte postu Fohorem karik iha Loro Quida, tanba ne’e husi parte administrasaun hakarak fo nafatin, enkoraza nafatin ba Diretóra Serbisu Saude Munisipiu Covalima ho serbisu sentru saude liliu mediku sira kontinua buka nafatin mesmu programa vasinasaun ne’e remata ona” nia husu.
Hatan preokupasaun hirak ne’e Diretóra Servisu Administrador Munisipiu Covalima Maria de Fatima Moniz, hateten durante serbisu saude Munisípiu Covalima kria fatin ne’e tun liu ba to’o iha baze post ne’e tau iha aldeia, signifika ekipa saude ne’e tun to’o aldeia hotu.
“Ita iha post ne’ebe kria, post ba liu iha baze ka aldeia entaun signifika katak ami nia ekipa ne’e tun to’o iha aldeia hodi kobre serbisu hamutuk ho xefe aldeia,xefe suku bosi haree labarik idade tuir alvu ne’ebe maka iha bele hetan hotu vasina iha produtu haat, vasinasaun ne’ebe ita tau ona iha kampaña foin daudauk liu ba” nia dehan.
Diretóra Serbisu Saude Munisipiu Covalima afirma hanesan suku Ucekai ne’e mos ekipa saude husi parte Zumalai forma ekipa kobre to’o iha ne’eba, parte postu Suai nian hanesan Suku Beko parte Aldeia Gala Teda, Tobur no Bibel ida ne’e ekipa saude mos to’o iha ne’eba, hanesan mos iha Loro Quida ekipa saude mos to’o iha fatin refere hodi halo vasinasaun ba labarik sira.
Enkuantu hatan kona-ba pontualidade serbisu pesoal saude sira nian iha fasilidade saude tuir Reprezenta Ministériu Saúde atual Diretór Nasionál Orsamentu Jestaun Finansas Ministériu Saúde, Miguel Maria, dehan ida ne’e kestaun MS ninian, intermu de numeru profesional saude kuaze tinan-tinan prienxe ona maske sei dauk pursentu 100.
“Ami ohin reprezenta AMC kestiona buat buat diak liga liu ba iha ita nia kualidade serbisu, ita nia prontidaun serbisu, agora ida ne’e kestau Ministériu Saúde nian, ita nia intermus de numeru profesional saude kuaze tinan-tinan ita prienxe ona sei dauk 100% mas ita bele prienxe etapa pur etapa maibe kualidade ne’e sei problema tanba ita nia ema sira halo formasaun beibeik husi parte rekursu humanus, husi kualiti kontrolu, husi pr9gtamatiku sira mos halo formasaun ita haree ita nia asosiasaun infermeiru, asosiasaun parteira, asosiaun mediku mos involve para ita hotu-hotu atu serbisu hodi asegura kualidade” nia dehan.
La signifika katak ne’e at liu maibe iha ospital referal Covalima iha sentru saude balun ida rua fo ninia imajen ladun diak tenke rekonese ida ne’e, maibe bainhira situasaun sira mosu sempre halo kedas intervensaun husi serbisu saude munisipiu.(JS)
