(RCCT) 02-06-24 Hases husi vitima ba inundasaun Autoridade Munisipiu Covalima Sabado kalan (01/06) hale’u oras tuku 9 halo evakuasaun  ba komunidade hamutuk na’in 264 husi Aldeia akara laran, suku suai loro ba sentru Evakuasaun munisipal ne’ebe lokaliza iha Eskola Sekundaria Geral Publika  de Suai (ESGP).

Nune’e iha Domingo (02/06) Servisu Saude Munisipal Munisipiu Covalima halo tratamentu saude ba  komunidade sira iha fatin Evakuasaun.

Diretor Servisu Munisipal Saude Covalima Domingos Sequera relata konaba atividade tratamentu ba komunidade hamutuk na’in 40 kompostu husi feto nain 32 no mane na’in 8 ho numeru ne’e inklui labarik sira.

“Ohin ami halo konsulta ba ita nia maluk sira ne’ebe agora dadaun hela iha hela iha ne’e, ohin sira mai halo partisipa visita iha ne’e iha nain 40 no iha kazu barak liu mak respiratoriu tanba ema barak  liu mak hela hamutuk, entaun respiratoriu mak sai as liu iha sira nia hela fatin, sira ne’ebe moras barak  iha idade indultu no labarik ki’ik iha na’in5 no seluk ne’e idade bo’ot hotu kedas” Domingos Sequera relata

Entretantu komunidade ne’ebe hetan moras hamutuk na’in 40 ne’e, Servisu Saude Munisipiu Covalima rezista moras mak hanesan Ispa 14, Diaria 4, Tensaun na’in 5,isin katar na’in 5 no seluk tan.

Jornalista :Moichung

Editor : Chamot Nahac