Covalima (RCCT) 07-04-25- Iha trimestral dahuluk tinan 2025, Servisu Munisipal Asaun Sosial Munisipiu (SMAS) Covalima, halo gastu osan ho montante dolar Amerikanu rihun hitu, sanulu resin lima ($ 7,015.00), hodi sosa kaixaun hamutuk unidade 51, apoiu ba familia sira ne’ebé husu ajuda.
Clementino Bere, Diretór Servisu Munisipal Asaun Sosial (SMAS) Munisipiu Covalima, informa ba Radio Comunidade Cova Taroman, dehan kaixaun ne’ebé SMAS apoiu ho medida ne’ebé diferensia Kaixaun ki’ik ho medida 60x80cm, naton 95x130cm no kaixaun bo’ot liu mak ho 140x200cm.
“Iha trimestral dahuluk maka hanesan hahu husi fulan Janeiru to’o Marsu toral kaixaun unidade 51, ne’ebé tuir medida ki’ik, naton no bo’ot, ba kaixaun medida ki’ik iha unidade-13, medida kaixaun naton iha unidade-3 no medida kaixaun bo’ot iha unidade-35, total hamutuk maka kaixaun unidade-51, konaba osan ne’ebé gastu hodi sosa kaixaun ba fulan-3 nian ne’e ami gasta ona $ 7,015.00” informa Diretór Servisu Munisipal Asaun Sosial (SMAS) Munisipiu Covalima Clementino Bere, ba jornalista sira iha nia kna’ar fatin Bairo Costa, Suai Segunda (07/04).
Clementino Bere, fundamenta katak, atu sustenta Servisu Munisipal Asaun Sosial (SMAS) iha Munisipiu Covalima ba tinan 2025 governu preve osan hamotuk $ 59,000.00.
“Osan ne’ebé koloka mai iha SMAS ho montante $ 59,000.00, ba tinan ida, maibe ita kesi ba hodi halo pagamentu ne’e ho montante $ 50,000.00, depois husi orsamentu $ 50,000.00 ita uza ka hotu, osan montante $ 9,000.00 ita la bok bainhira iha atividade maka osan laiha ita bele halo bairoment” nia dehan.
Enkauntu rekaptula iha dadus 2025, Servisu Munisipal Asaun Sosial (SMAS) Munisipiu Covalima, iha trimestral dahuluk kaisaun ki’ik ho medida 60×80 Cm apoiu total kaixaun 13 (ba mane 7 no ba feto 6), ho folin $ 60.00,kada kaixaun nune’e kaixaun 13 soma ba osan hamutuk $ 780.00.
Sosa mos kaixaun medida naton 95x130Cm, hamotuk unidade 3 ho folin kada kaixaun $ 95.00, total kaixaun 3 hamutuk $ 285.00, ba kaixaun bo’ot ho medida 140×200 Cm hamotuk 35, sosa ba matebean mane 17 no feto 18, ho folin kada kaixaun $ 170.00, nune’e kaixaun hamotuk unidade 35 soma ba osan ho total $ 5,950.00,.
Entretantu iha trimestral primeiru SMAS sosa kaixaun hamotuk 51 ho total osan hamotuk $ 7,015.00.
Jornalista : Julio Salinas
Editor : Chamot Nahac
