Covalima (RCCT) 01-07-23-Prezidente Sub Kram Munisipiu Covalima Francisco Barros rekonese durante mandatu Mandatu Tinan 10 resin Membru Asosiasaun Silat Pajajaran Nasional ka ASPN seidauk kria konfuzaun tanba strutura ho nia membru sira Organizadu.
Francisco Barrros dehan lia ne’e iha Wetaba, Suku Beiseuk, wainhira partisipa serimonia Progresaun Sintu ba membru Pajajar hamotuk ema nain 120 domingo foin lalais.
Lider Sub Kram Covalima ne’e husu ba Membru ASPN sira,atu nafatin hatudu maturidade desportivu no wainhira tuir treinu objetivu atu hodi devende lia los no ema kbit laek sira.
Nune’e mos Xefe Suku Beiseuk Saturnino Cardoso Maia fo sasin konaba durante ASPN existi iha Nia Suku no Aldeia Laran, ho displina no etika tuir koridor no dutrina nebe Asosiasaun iha ona.
Tanba ne’e nia husu ba membru ASPN sira atu nafatin mantein displina no labele involve an iha konflitu entre arte marsial liu liu iha suku Beiseuk,
Ketua Dewan Pendekar Wilayah Indonesia Timur NTT no Timor Leste, Teodoro Maria Fernandes, husu ba Estrutura ASPN ho membru hotu iha Timor Laran tomak hakruuk ba estadu, Mantein unidade hodi kontribui ba estabilidade no prepara an hodi partisipa iha eventu nasional no internasional sira.
Tempu okupasaun Indonesia, Pajajara Existe uluk Iha Bekora,loron 26 fulan Februariu tinan 1985 hahu uluk ho membru hamotuk ema nain 27.
Molok Timor Ukun an Asosiasaun Silat Pajaran existe ona iha munisipiu 7 mak hanesan, Dili, Baucau, Vikeke, Manatutu, Aileu, Likisa ,no Covalima, maibe dadaun ne’e, Asisiasaun SIlat Pajajaran Nasional, exite ona iha munisipiu hotu iha Timor Leste, Eseptu Reziaun eklave Oekuse mak seidauk iha.
Ekipa kobertura nia reportazen.
