Covalima (RCCT) 09-06-25-Sekretatia Estadu ba Igualidade (SEI) hala’o sosializasaun ba estudante sira husi Eskola Sekundaria Jeral Publiku Suai, klase pralela Salele no mos estudante sira husi Eskola Teknika Vokasional Klaret, konaba Igualidade jeneru no Violensia Bazia Jeneru (VBJ).
Pontu Fokal Sekretariu Estadu ba Igualidade Munisipiu Covalima Francisco de Araujo, dehan estudante no foinsa’e sira mak futuru no mos kontinuador, tan presija hetan kapasitasaun hodi hasa’e sira nia kuñesementu para bele kontribui hatutan informasaun ba familia no sosiedade konaba prevensaun no mos redusaun ba Violensia Bazeia ba Jeneru no Violensia Domestika (VD).
“Ho informasaun ne’ebé mak ita fahe, liliu ba asuntu igualdade jeneru no vilensia bazeia ba jeneru ne’e, alin estudante sira bele iha kuñesimentu no bele hetan informasaun ida ne’e atu sira bele hatutan fali informasaun sira ne’e ba iha sira nia familia no komunidade” hatete Pontu Fokal Sekretariu Estadu ba Igualidade Munisipiu Covalima Francisco de Araujo
Administrador Postu Tilomar, Venancio Sarmento husu ba estudante sira kontinua fahe tutan informasaun konaba igualidade jeneru no mos prevensaun VBJ ba familia no komunidade.
“Husu ba ita nia estudante sira atu bele iha hanoin prevensaun ba sira nia an no mos ba sira nia familia tanba sira mak sai hanesan jersaun ba nasaun timor leste ida ne’e” Administrador Postu Tilomar, Venancio Sarmento, manifesta.
Sekretaria Estadu ba Igualidade (SEI) hanesan instituisaun governu ne’ebé responsabeliza ba asuntu promosaun igualidade jeneru, ho nia papel importante atu halo prevensaun no kombate violensia bazeia ba jeneru, liu liu ba feto, labarik feto no grupu risku sira.
Entretantu iha atividade sosializasaun ne’ebé SEI hala’o iha Sede Suku Maudemo, Postu Tilomar ne’e partisipa husi parte PNTL Seksaun VPU, Alfela no estudante husi Eskola Sekundaria Jeral Publika, klase Salele no Eskola Teknika Vokasional Klaretiano Salele.
Jornalista : Alfredo Barreto
Editor : Chamot Nahac
