Diretor Jeral Sekretaria Estadu Igualdade (SEI), Armando da Costa, relata Kada tinannumeru kazu Violensia Bazeia ba Jeneiru sempre sa’e to’o kazu rihun ida resin.
“Problema Violensia Bazeia Ba Jeneiru nia sempre akontese, kada tinan ita nia dadus ne’e kada tinan nia sempre atinji to’o numeru liu husi rihun ida, ikus liu iha tinan 2023 nian ne’e ita iha rihun ida atus rua resin ne’ebé akomula hotu husi kazu sira hanesan Violensia domestika, Violensia Seksual ho tan Violensia Fisiku, liuliu iha ne’e feto barak mak sai vitima ba kazu tinan 2024 ninian, ita iha hela prosesu akomulasaun depois ami sei pasa informasaun tuir ita nia peskiza ho ita nia esperiensia kada tinan nune’e mos hare ba numeru ba populasaun ita kazu Violensia Bazeia ba Jeneiru ne’e, Dili sempre as depois tuir Munisipiu sira hanesan Bobonaru, Ermera, Viqueque no mos RAEOA” Armando da Costa, Relata.
Sekretario Munisipal asuntu Planeamentu Investementu no Dezenvolvimentu Integradu, Caetano dos Santos Ribeiro, iha nia intervensaun hateten liu husi Dialogu ne’e bele hanorin komunidade sira atu hatene regula an hodi la komete Violensia Bazeia Ba Jeneiru.
“Atu regula ita nia an, konaba atu la’o ba dalan los, susar ituan tebes maibe ho tema ida ne’e bele ajuda ita bele redus violensia Bazeia Ba Jeneiru espesialmente feto no labarik sira” Lideransa Lokal ne’e dehan.
Entretantu Dialogu ne’e hala’o iha Sede suku maudemu, partisipa masimu husi Komunidade sira iha postu Aministrativu Tilomar no estudante sira husi eskola Sekundaria Geral Publika Suai Paralela Salele no Estudante Eskola Eskola Baziku Sentral Salele.
Jornalista:Moichung/Matias Sousa
Editor : Chamot Nahac
