Covalima (RCCT) 12-08-2026-Secretaria de Estadu da Formação Profecional E Emprego (SEFOPE) Kuarta-Feira (12/08) ne’e, realiza Feira Kareira ho no Edukasaun iha Munisipiu Covalima.
Representate Secretario de Estadu da Formação Profecional E Emprego (SEFOPE) Nelson Soares Carvalho iha nia diskursu hatete, Objetivu husi Feira Kareira no Edukasaun atu sosializa informasaun ba Joven no Estudante hodi atinji futuru brillante liu husi asesu informasaun kareira, rede Profional, Formasaun vokasional no programa Servisu iha rai liur no rai Laran.
Husi Feira Kareira no Edukasaun atu fahe informasaun kona ba peritu SEFOPE iha ba ita nia Joven no Estudante sira hodi foti desizaun ba ita bo’ot sira nia futuru tanba ita hotu hatene katak Edukasaun importante tebes iha Vida humana, maibe dala barak mos bainhira ita joven no estudante sira remata sira nia Estudu sira problema atu foti desizaun ba sira nia kareira Edukasaun liu liu ba nivel Universitariu tanba ita mai husi familia ne’ebé la hanesan balu iha familia ne’ebé di’ak bele suporta sira nia oan ba iha Universidade, balu fali Ekonomia ne’ebé la dun diak hodi suporta nia oan ba eskola maibe ida dalan seluk atu hadia moris, fila fali ba alin sira nia desizaun, ha’u hakarak aproveira oportunidade ne’ebé iha hodi partisipa iha Formasaun ne’ebé ita iha ou ha’u halimar de’it hodi terus iha loron ikus mai, Formasaun husi parte SEFOPE tinan hira nia laran ita sei dauk iha Centro formasaun ne’ebé di’ak maibe mai iha IX Gorverno SEFOPE hari’i ona Centru Formasaun ne’ebé diak iha Lakonak ekipamentus kompletu, Mestre sira ne’ebé mak hanorin inglês iha, ha’u husu ita bele ga lae partisipa iha Formasaun hirak ne’e atu hadi’a ita nia vida moris aban bainrua se ita lakoi foti dezisaun iha vida estudu arepende sei mai ikus. Iha SEFOPE iha Programa 3 ne’ebé mak ita servisu ba iha Forsaun, Empregu no traballu, liu husi Centru Formasau sira ne’ebé ita loke, ita servisu hamutuk ho Centru Formasau iha Timor laran iha mos Suai ita fo ajuda atu bele fo tulun ba ita nia Joven Sira atu bele Kapasita sira nia an hodi Kompete iha vida ekonomia iha sira nia moris rasik. Ba traballu ninian hare mos ba regras sira, loja barak mak iha suai ita nia Joven barak mak servisu iha ne’eba hare ba regras kontraktru sira ho traballador sira karik iha problema SEFOPE iha liu husi Diresaun Relasaun Traballu iha nivel munisipiu iha pontu Fokal bele bolu no hakbesik ba sira atu ajuda resolve ita bo’ot sira nia problema. Ida tan mak Empregu, Empregu ita kolia buat rua, empregu rai laran no empregu rai liur, Empregu rai laran ne’e hare los deit ba grupu Auto Empregru , empregu Temporariu Se ita harak asesu ba osan transferensia publiku tenke hari grupu depois asesu ba Kompete depois hetan avaliasaun ita bo’ot sira pasa ita bele ita bele asesu ba orsamentu transferensia publiku. Ida fali mak ita ba servisu iha rai liur ba iha Australia, Korea, Japaun ba iha Nova Zelandia. Saida mka improtante iha ida ne’e, lingua mais importante ba ha’u nia alin sira ohin ita bo’ot sira iha idade ne’ebe mak sei produtivu kakutak ne’ebé sei malirin atu bele priense ho matenek ida ne’e se lingua Inglês Português ita bo’ot sira hatene ita bo’ot sira sei koñese mundu.”. Nelson Soares Carvalho, Informa.
Reprezentante (PAM) Covalima Jose Manuel Gonçalves enkoraza Estudante sira tenke partisipa maximu iha formasaun hodi dezenvolve potensensialidade tantu Edukasaun, Oportunidade servisu no produtivu hodi sai kriador Emprego no lider Futuru nian.
Iha oportunidade ida husi ba estudante sira tenke partisipa maximu dezemvolve sira nia ponsensilidade tantu Edukasau, Oportunidade servisu no produtivu agora dadun ita tama iha mundu Globalizasaun dezemvolvimentu tecnologia ne’ebé lais tebes dezafius no oortunidade mosu oin oin ne’ebé ita hasu, nudar jerasaun foinsa’e sira tenke adapta hadia sira nia kompetensia no aproveita oportunidade ne’ebé iha hodi hetan susesu no prosperidade, oras ne’e dadun ita moris iha era ne’ebé nakonu ho transformasaun digitalizasaun, mudansa iha klimatika Ekonomika global no avansa tecnologika ne’ebé muda lais no signifikadu tebes. Iha situasaun hanesan Jurasaun Foinsa’e liu-liu ba estudante sira tenke preparadu la’os de’it atu sai ema ne’ebé buka servisu maibe mos atu sai kriador empregu inovador no lider futuru nian. Jose Manuel Gonçalves, nia haktuir.
Atividade hirak ne’e realiza iha Salaun Escola Secundaria Geral Publica (ESGP) de Suai durante loron 2 no hetan partisipasaun maximu husi Secretaria Estdatu do Ensino Secundaria no Tecnico Vocasional, Representante Presidente Autoridade Munisipiu (PAM) Covalima, Comandante Comando PNTL Munisipiu Covalima, Comandante F-FDTL Postu Administrativu Tilomar, Diretor IADE Munisipiu Covalima, Diretor Umpaz Ramo Suai, Diretor Eskola no Estudante Sira.
Jornalista Julião Correia
Editor Paul Mandeu
