Covalima (RCCT)12-08-25- Sekretaria Estadu ba Formasaun Profisional no Empregu (SEFOPE) entrega ekipamentu elektroniku hanesan komputador unidade hitu (7) ba iha Sentru Juventude Covalima (CJC-Sigla Portugues) hodi apoiu atividade kapasitasaun kursu komputador ba foinsa’e sira.
Reperesentante Diretór SEFOPE iha Munisipiu Covalima, João Perreira Gusmão, relata katak husi Orsamentu Jeral Estadu (OJE) tinan 2025, SFOPE apoiu dolar amerikanu rihun lima ($ 5,000.00) ba CJC hodi sosa kompiutador hitu unidade no projector ida.
” Ajuda fundus ba iha Sentru Juventude Covalima ho orsamentu rihun lima 5,000.00 ne’ebé maka aloka hodi sosa ba komputador hitu(7 )ne’ebé maka sira atu hodi halo foremasaun ba iha juventude sira iha Munisipiu Covalima, iha pedidu sira hatama proposta ba iha SEFOPE ba iha diresaun formasaun profisional empregu ne’ebé sira hetan duni orsamentu iha rihun lima ba hodi sosa komputador ho projector ida ” João esplika.
Diretór Sentru Juventude Covalima (CJC) Julio Ferreira, konfesa konaba limitasaun numeru komputador iha implementasaun atividade kursu, basa durante ne’e CJC iha deit komputador ualu (8) ne’ebé ativu utiliza hodi fo korsu ba foinsa’e sira.
“Ami iha ne’e iha komputador sanulu maibe iha rua ladun di’ak ona entaun iha 8 de’it mekanismu ne’ebé mak ami implementa ne’e sempre halo orario semana ida ne’e sempre dala tolu(3) lolos ne’e komputador ne’e ami husu sanului resin rua maibe iha aprovasaun ne’ebé maka iha ne’e ita hetan deit komputador hitu(7)” Julio dehan.
Entretantu SEFOPE Intega Ekipamentu Eletronika, Komputador Unidade hitu ho marka HP no Projetor ida ba Sentru Juventude Covalima ne’e iha ambitu selebrasaunn loron internasional juventude, ne’ebé realiza iha salaun CJC, Tersa (12/08).
Jornalista : Gabriel Amaral da silva
Editor : Chamot Nahac
