Covalima (RCCT)-11-02-21-Infiltrasaun ilegails iha linha Fronteiras la’o makas hodi importa sortu Covid -19 mai iha rai doben Timor Leste.Primeiro Ministro Taur Matan Ruak Oreinta ekipa Sala Situasaun de Gestao Krizi (CIGC) monta Forsa Unidade Territorios iha Linha Fronteira Municipio Covalima, Bobonaro ho Regiao Administrativo especial Oe-cusse Ambeno (RAEOA ).
Tanba ne’e Kuinta Feira (11-02-21) Ekipa Sala Situasaun de Jestaun Krizi halo engkontru ho autoridade sira iha Covalima hodi ko’alia kona ba despaixu nebe mak Xefe do governu hatun kona re ativa hika sala de situasaun jestau krizi nune’e bele apoio Ministerio Saude (MS) ba Prevensaun Covid-19.
‘’Vizita mai iha Municipio Covalima ne’e ho objetivo atu tur hamutuk ho Autoridade Municipal no responsavel Saude iha Municipio Covalima hodi ko’alia kona ba despaixu nebe maka hasi husi Premeiru Ministru Taur Matan Ruak kona ba implementasun reativasaun sala de Situasaun nebe maka atu apoiu MS hodi implementa medidas ba iha Covid – 19 nian liu liu iha Municipio Covalima” Dehan Segundu Komandante Operasun Sala de Situasaun Covid -19 Brigadeiru General João Mirando (Aluc) ba RCCT iha Salaun engkontru Municipio Covalima.
Komandante Aluc hatutan sei desloka forsa taraves iha Municipio hodi Apoiu ba iha Ministerio Saude liu – liu iha Municipio Covalima.
“sei instala ka keloka tan forsa Tarefas mai iha Municipio tolu (Covalima,Bobonaru ho Regiao Administrativo especial Oe-cusse Ambeno (RAEOA). Hodi Apoiu autoridade Municipais ho Ministerio hotu-hotu hodi halo Sosializaun ba iha komunidade sira kona prevene sortu Covid – 19” Tenik Komandante Aluc.
Iha Covalima Ekipa Jestaun Krizi nebe lidera husi Komandante Aluc, akompanya husi Adminstrador Municipio Covalima, Komandante PNTL Covalima, Reprezentante Servisu Saude Municipio Covalima halo mos vizita ba iha fain Quarentena Bairo Costa Suco Debos Postu Administrativo Suai, Postu UPF iha Aeroportu Suai no mos halo vizita ba iha Mes(kampaun) Kompanya Covec nian iha Audian Suco Kamanasa.
Jornalista; Lito de Jesus
Editor : Chamot Nahac
