Covalima (RCCT) 25-08-25- Iha 2⁰ Konferensia Munisipal Konsellu Kombatentes Libertasaun Nasional (CCLN) Covalima, Veteranu sira depozita fiar ba Felis Amaral Kodigu Sakari hodi reperezenta Veteranu Suku 30 Iha Covalima ba Nasional.
Hafoin Eleitu Sakari konfesa ba jornalista sira dehan la orgullu ho manan ida ne’e maibe hanesan responsabilidade todan ida ne’ebé nia simu husi veteranu Covalima ne’ebé depozita fiar ba nia sai komisariu veteran iha nasional durante tinan lima.
“Labele orgullu dehan manan, maibe ida ne’e sai responsabilidade bo’ot ida ba ha’u hodi hala’o ami vizaun ho misaun iha mandatu tinan 5 sai komisariu hodi reprezenta Veteranu Covalima Ba nasional, responsabilidade maka hare, servisu hamutuk hadi’a Veteranu iha Covalima” Sakari, deklara.
Maske nune’e, Sakari komprimetidu sei servisu hamotuk hodi hametin unidade entre veteran sira iha munisipiu covalima hodi alkasan vizaun no misaun veteran timor leste nian.
“Ba futuru presija kordena malu, presija unidade, labele dehan ha’u komisariu ona ne’ebé hatene liu, tenke kordena ho Prezidente Konsellu Munisipal ho Komisaun sira hotu oinsa maka bele lori Konsellu Covalima ba oin, kria unidade liu husi kordenasaun dalan ida ne’e maka atu bele hadi’a di’ak liu tan ba futuru Veteranu Covalima nian” nia dehan.
Iha 2⁰ Konferensia Munisipal Konsellu Kombatentes Libertasaun Nasional, Munisipiu Covalima konfresista sira aprezenta pakote rua, maka hanesan Felis Amaral “Sakari” ho nia suplente Maria Amaral no Antonio Alves Fahic “Tasik Baboe” iha ne’eba Sakari ho nia pakote manan ho votus 223.
Engkuantu Manuel do Rego Anfonso, ho nia suplente Joana dos Reis “Bi Rakat” no Basilio Borges derota votus 60. Portantu iha eleisaun ba konfrensia hetan votus nulu-62 no Branco-5, husi total konfrensista 353 ne’ebé mai husi Postu Administrativu 7. Maibe husi kongresista 353 ne’e iha konfresista nain-348 maka tuir votasaun no nain-5 la tuir votasaun tanba kondisaun moras.
Jornalista : Julio Salinas
Editor : Chamot Nahac
