Covalima (RCCT)04-02-21- Diretur Servisu Saude Municipio Covalima rekonhese rezultado amostra (swap test) iha laboratoriu Covalima detekta Sidadaun Timor Oan na’in ida deskonfia Positivu Covid-19, maibe Servisu Saude Municipio Labele dehan Sidadaun ne’e Positivu ona Suspeitu Covid-19 tanba sei hein rezultadu Amostra ba Swab ne’e husi Laboratoriu Nasional.
Tanba ne’e Servisu Saude Municipio Covalima sedauk bele fo sai ba Publiku kona ba rezultadu nebe lolos husi teste ne’e. dehan Diretur servisu Saude municipal-Covalima ba Jornalista sira Quinta Feira (04-02-21) iha Quarentena Bairo Costa.
“Ohin ha’u simu informasaun husi parte vizilansia sira, teste Laboratoriu Covalima detekta pasiente na’in ida iha Quarentina ne’e Positivu Covid-19,Maibe kona ba kazu ne’e pozitivu ka negative ne’e ita hein tan rezultadu teste husi laboratoriu nasional nune’e hodi halo komprasaun karik pozitivu hotu mak ita foin fo sai ba publiku katak ema ne’e pozitivu karik sedauk ita labele fo sai ”dehan Filipe Pereira Lemos.
Liga ho Notisias ne’e tuir informsaun nebe RCCT Asesu antes, Sidadaun Timor oan ne’e halo Viazen sai husi dalan ilegal liu husi Fronteira Salele ba Malaka Indonesia iha dia 20 de Janeiro 2021 no fila hikas mai Timor Leste nafatin liu husi dalan ilegal iha dia 22 de Janeiru, iha loron ne’e kedas Polisia UPF iha Fronteira Posto Intregrado Salele Kaptura kedas no intrega ba parte Saude atu halo Quarentena ba Sidadaun Timorense Natural Covalima ne’e.
Jornalista :Asatu Soares
Editor :Chamot Nahac
