Filipe da Costa nudar prezidente asembela CCM-TL, hateten iha sentru saude balu iha Covalima sei menus rekursu no mos fasilidade atu utiliza hodi kombate ba jero moras Malaria iha timor leste, HVI-SIDA no Tuberkolizia.
“Rezultadu Fiskalizasaun ohin ami aprezenta iha ne’e, iha sentru saude balun rekursu umanu seidauk to’o, iha sentru saude balun fasilidade seidauk di’ak, balun armazen, buat ne’ebe ami hetan iha terenu ami relata fali ba pesoal sira mai husi koodenador sentru, autoridade lokal, Alende ne’e ami hare katak ekipa ne’ebe servisu iha terenu, sira servisu di’ak tebe tebes, em nome CCM-TL ha’u hakarak kongratula sira, tanba sira esforsu duni atu moras tolu ne’e lakon iha ita nia rain” relata Prezidente CCM-TL, Filipe da Costa ba Jornalista sira iha Salaun Administrasaun Munisipiu Covalima, Sexta (17/11).
Maske nune’e CCM-TL Konsidera Profesional saude sira iha esforsu duni hodi hala’o k’nar iha terenu. Tan ne’e persija halo investimentu ne’ebé bo’ot ba sira hodi servisu ba kombate moras tuberkolizia, HIV-SIDA no Jero Malaria iha ita nia rain.
“Atu Kombate moras tolu ne’e ida persija ema, fasilidade no persija investimentu, buat ne’ebe ha’u hare katak investimentu ne’e foin mai husi fundu global, KOIKA no seluk tan, maibe ninia montante seidauk to’o, ita hare deit ba rezultadu, epidomologia survey hatudu katak ritimi hetan moras ne’e nia risku ne’e tetuk deit, ne’e hatudu katak ita mos la hasa’e no la hatun, ne’e katak investimentu seidauk di’ak. Mate tanba moras ne’e mos nia risku tetuk deit, hatudu katak, se ita dupla ka triple ita nia investimentu ne’e ita nia rezultadu bele haksoit, sekalo ita nia investimentu di’ak it abele redus moras ne’e.” tenik nia.
Engkuantu, Administradora Divizaun Fundu Global iha Ministeriu Saude, Madalena Hanjam dehan iha tempu badak sei halo mobilizasaun rekursu logistika hodi responde ba kondisaun ne’ebe Profesional saude sira infrenta iha terenu.
“rejultadu ne’ebe ita nia grupu sira hetan, ami hare on aba iha fundu global nian ne’e ami sei molizasaun iha tempu badak liu liu ba iha rekursu lojistiku, konaba rekursu umanu ami persija hare fali ba iha regra, funsionamentu funsaun publiku no kontratasaun ne’e la’o oinsa, hare ba orsamentu, ita iha, ezekusuan la’o tuir nia dalan, orsamentu ba fundu global ninian sei asegura ba to’o iha dezembru atu bele ezekuta tuir ejizensia mak iha, depois ba iha 2024-2026 ita hetan tia ona aprovasaun orsamentu husi fundu global mak 15.7miloens mak atu implementa durante tinan 3, ida ne’e ita fo ona kapasidade ba iha munisipiu 13 hotu para atu bele kumpri duni regras hodi gasta duni osan ba moras sira ne’e.” esplika Administradora Divizaun Fundu Global iha Ministeriu Saude, Madalena Hanjam.
Entretantu, Country Coordination Mechanism Timor Leste (CCM-TL) nudar Ajensia ida ne’ebé estabelese atu tau matan ba Fundu Global iha Timor Leste, ne’ebé hahu iha tinan 2003 Timor Leste sai mos hanesan Nasaun ida ne’ebé simu apoiu finanseira husi fundu global atu hodi finansia ba atividade ka programa sira ne’ebe ho kombate Malarai, HVI-SIDA no Tuberkolozia.
Jornalista : Balta Monis/Moichung
Editor : Chamot Nahac
