Covalima (RCCT)-08-04-21- Administrador Municipio Covalima Fransisco de Andrade hatete, enkontru Rede Referal Municipio Covalima ne’e ninia Objectivu atu hodi hato’o Relatorio kona ba aktividade nebe hala’o durante ne’e.
Administrador Covalima dehan hato’o informasaun ne’e hafoin remata engkontru halo enkontru ho rede referral sira iha salaun administrasaun Covalima Kinta feira (08-94). Nia hatutan, servisu nebe rede referral hala’o durante ne’e hare liu ba vitima viola sexual.
“ Objetivu enkontru ne’e, sira atu aprezenta sira nia relatorio durante sira halo, katak sira ne’e servisu hare liu Vitima Viola Sexual no Vitima ba mane nebe maka kous tia feto la iha resposablidade” Dehan Administrador Municipio Covalima Fransisco De Andrade
Adminintrador Covalima Komprometidu sei nafatin fo korajem ba Rede Referal Municipio Covalima, maske ho Voluntariamente maibe nafatin ho Solidariedade nu’udar Covalima oan, atu fo tulun ba komunidade vitima Sira.
“ Ha’u enkoraja ba sira servisu ida ho Voluntarismo nebe la fasil ema hotu atu halo servisu hanesan ne’e, maibe ho korajen ita sira nian, hodi fo apoio ba komunidade sira nebe maka hetan vitima, iha Covalima imi Feto hatudu katak imi Feto mos bele halo servisu ho Volutariamente maske ho situasaun nebe deit”. Katak Administrador Covalima Fransisco de Andrade
Iha enkontru ne’e marka prezensa husi Rede Feto Covalima, Diretor MSSI-Covalima, Pradet, Uma Mahon, hodi Aprezenta sira nia Relatorio Aktividade nebe sira hala’o durante ne’e.
Jornalista : Aje Ferreira & Lito de Jesus
Editor : Chamot Nahac
