COVALIMA (RCCT) 18-01–23—Diretór SekretariaduTekniku Administrasaun Eleitoral (STAE) Munisipiu Covalima, Francisco Gusmão, Hateten oras ne’e daudaun progresu konstrusaun ba edifisiu STAE Covalima atinje pursentu 15.
“Tuir relatoriu ne’ebe hau simu husi tékniku kompañia nian hato’o mai katak progresu ba konstrusaun edifisiu STAE ne’e atinje ona pursentu-15” informa Diretór SekretariaduTekniku Administrasaun Eleitoral (STAE) Munisipiu Covalima, Francisco Gusmão, ba jornalista sira iha nia kna’ar fatin STAE Covalima, Kuarta (18/01).
Nia afirma kuandu kompañia aselera lalais servisu maka iha eleisaun parlamentar mai ne’e STAE bele utiliza ona edifisiu foun, maibe kuandu sei dauk finaliza maka kontinua uza nafatin edifisiu tuan.
Nia dehan tuir dead line kompania sei finaliza konstrusaun ne’e iha fulan Maiu 2023, no lansamentu tau fatuk dahuluk ba konstrusaun refere iha 16 de Dezembru 2022 no sei finaliza iha fulan Maiu tinan ne’e.
(Azu)
