Covalima (RCCT) 08-08-25-Tinan ne’e Asosiasaun Amahoro no Asosiasaun Miraishat kontinua apoiu Postu Administrativu Tilomar hodi Realiza atividade desportivu Amahoro Cup ho taxa rotativa ba daruak iha 2025 hodi Selebra loron Konsulta Popular (Referendum) ba dala XXVI.
Xefe komisaun organizadora José Quintão Amaral hatete taxa rotativa Amahora Cup ne’e ho objetivu atu hametin unidade no paz hodi mantein ambiente ne’ebé ida ne’ebé mós iha ambitu kompetisaun ne’e.
“Tema ba kompetisaun liga amahoro ne’e iha tinan ida ne’e nia tema maka hametin unidade no paz hodi mantein ambiente ne’ebe mos iha kompetisaun no ida ne’e suporta husi Assosiasaun Amahoro no Assosiasaun Miraishat fundus no taxa ne’e mai husi Assosiasaun rua Assosiasaun Miraishat no Assosiasaun amahoru husi Nasaun japaun nian no hetan orsamentu hamutuk mil ital hodi apoiu ba aktividade desportu liga amahoro ida ne’e loloos tinan kotuk ita, loloos tinan ne’e akontese iha fulan jullu maibe komisaun organizadora hakarak planea hodi monu iha fulan agustus hodi nune’e ita bele selebra loron konsulta popular ka loron referendu 30 de agustus,30 de agustus ba dala XXVI iha teritoriu timor leste no espesialmente iha Postu Administrativu Tilomar.” Xefe Komisaun Organizadora, José Quintão Amaral, esplika iha ambitu abertura ba taxa rotativa Amahora Cup, 07/08.
Ba Kompetisaun desportivu ne’e, iha klubu uma na’in hamotuk sanulu (10) no klubu bainkara hamotuk rua (2), ida husi Suku Debos, Postu Administrativu Suai, no ida seluk husi Suku Holpilat Postu Administrativu Maukatar, nune’e Taxa Rotativa Amahora Cup 2025 partisipa husi klubu Sanulu resin rua (12)
“iha tinan ne’e klubu hamutuk sanulu resin rua mak kompete iha kompetisaun liga Amahoro ne’e klubu bainaka iha rua klubu bainaka ida husi Suku Debos mak FC Busakukun no klubu bainaka ida seluk maka husi Suku Holpilat maka klubu Nova Estrela, kompetisaun ne’e ita sei finaliza iha 30 de agustus hodi nune’e ita bele selebra mos loron konsulta popular ka loron referendu iha Postu Administrativu Tilomar ida ne’e “ Tenik José Quintão Amaral.
Entretantu Jogu Amahora Cup ho taxa rotativa ba modalidade fotebol juvenil U14 no volybol feto iha ne’ebé hetan apoiu fundus husi Assosiasaun Miraishat no Amahoro hamutuk dolar amerikanu rihun ida resin. Nune’e Komisaun organizadora sei despeza ba manan na’in primeiru ho osan dolar amerikanu $ 150, Segundu lugar $ 100, terseiru lugar $ 75.
Jornalista : Alfredo Barreto
Editor : Chamot Nahac
