COVALIMA—-Diretór Serbisu Tékniku Administrasaun Eleitorál (STAE) Munisipiu Covalima Francisco Gusmão, hatete ohin sai loron ikus ona ba STAE Covalima fo formasaun ba poling staff hamutuk na’in-350 iha postu administrativu Suai hafoin STAE halo rekrutamentu iha fulan ida liu ba.
“STAE Covalima hala’o formasaun ba poling staff sira ne’ebe maka durante ne’e STAE munisipiu halo hela rekruta ba official eleitoral ne’ebe atu serbisu iha loron eleisaun, kada sentru votasaun ida-idak, iha faze primeiru ekipa formadores STAE Munisipiu Covalima hala’o ona formasaun iha postu 4 hanesan Postu Administrativu Fatululik, Fatumea, Fohorem ho Maucatar, faze segundu hala’o iha Postu Administrativu Tilomar ho Zumalai no ohin faze datoluk hanesan faze ikus nian ba formasaun poling staff ne’ebe hala’o iha edifisiu STAE Munisipiu Covalima poling staff hamutuk ema na’in-350 ba postu administrativu Suai nian” informa Diretór STAE Munisipiu Covalima, Francisco Gusmão ba jornalista sira hafoin remata loke abertura formasaun ba poling staff iha STAE Munisípiu Covalima, Sesta (05/05).
Nia haktuir poling staff hamutuk ema na’in-350 ne’e kompostu husi feto hamutuk ema na’in-210, mane hamutuk ema na’in-140 maka partisipa iha formasaun ba official eleitoral ne’e.
Nia esplika total official eleitoral husi postu administrativu 7 iha Munisípiu Covalima hamutuk ema na’in-1.200, ne’ebe maka atu ezekuta sira nia kna’ar iha sentru votasaun ida-idak.
Nia afirma materia ne’ebe maka husi STAE hato’o ba poling staff maka kna’ar no dever ofisiál eleitoral nian, atu nune’e sira bele intende didiak kna’ar ho dever ne’e ho diak para sira hala’o kna’ar iha sentru votasaun ne’e ho justu, labele see husi kna’ar ne’ebe sira iha.
Materia ida seluk hato’o ba sira kona-ba prosessu votasaun iha sentru votasaun, prosesu votasaun ne’e hahu husi instalasaun de sentru votasaun iha loron votasaun ne’e, husi liña mai identifika ba iha bulletin de votus, urnas, ba iha cavina sai mai tau liman ba iha tinta no ikus liu sira sai ba liur, ida ne’e maka atu aprezenta ba iha poling staff sira.
Diretór STAE ne’e sublina STAE Munisipiu Covalima halo rekrutamentu ba poling staff bazeia ba nesesidade sentru votasaun nian.
“Kada postu administrativu ida ita rekruta poling staff tuir nesesidade sentru votasaun nian, hanesan iha Fatululik hamutuk sentru votasaun 6 tanba ne’e ita presija ema na’in-60 atu organiza ka hala’o serbisu iha sentru votasaun refere, Postu Administrativu Fatumea ita rekruta ema na’in-90 tanba iha sentru votasaun 9, Postu Fohorem ita rekruta ema na’in-120, Maucatar ita rekruta ema na’in-190, Tilomar iha ema na’in-15 0, Zumalai rekruta ema na’in-240 no Postu Suai ita rekruta ema na’in-350, husi numeru sira ne’e hotu ita soma hamutuk iha poling staff ema na’in-1. 200 iha Munisipiu Covalima” nia dehan.
Diretór STAE Munisipiu Covalima husu ba poling staff sira katak iha loron eleisaun maka tenke garantia imparsialidade, transparensia ho neuratralidade atu nune’e sira bele hala’o sira nia kna’ar iha loron eleisaun ne’e ho justu no laiha impedementu ruma husi parseiru sira tanba sira nia lalaok ka serbisu ne’ebe la hatudu ona imparsial, maibe ezijensia husi STAE ba poling staff imparsialidade ne’e maka importante, tanba lema STAE hatete ona iha ne’eba dehan demokrasia, imparsialidade, transparensia ho neutralidade presija ida ne’e maka poling staff sira tau iha neon ho laran para hodi hala’o serbisu ne’e ho justu no diak.
Enkuantu Poling Staff husi Sentru Votasaun EBC Lokeu, Agripina da Costa Andrade, hatete iha formasaun ida ne’e ko’alia kona-ba prosesu eleisaun, no iha formasaun fo prióridade uluk ba maluk sira ne’ebe mai ho difisiénsia bainhira iha loron eleisaun tenke fo prióridade ba sira maka tenke vota uluk.
“Materia ne’ebe ohin ami hetan liu husi formasaun ida ne’e ko’alia kona-ba tinta, haree ema nia eleital antes atu tama simu bulletin votus hodi ba vota iha cavina de votus, iha sentru votasaun haree liliu ba maluk sira ne’ebe mai ho difisién,
Entertantu formasaun ba poling staff sira ne’e hala’o durante loron rua nia larane,s hahu is df dsabadu finde semana ne’e. (Azu)
