Covalima (RCCT) 13-06-2026-Polisia Nasional Timor-Leste (PNTL) Munisipiu Covalima selebra loron St. Antonio de Padua tanba hili St. Antonio de Padua hanesan mahein ba PNTL tuir ezistensia St. Antonio de Padua nian hodi servi nia povu liu husi knaar no responsabilidade.
Iha ambitu selebrasaun Mahein PNTL St. Antonio de Padua, Superintendenti Xefe Paulino do Carmo Perreira, Komandante Polisia Munisipiu Covalima relata protector mahein St. Antonio de Padua hanesan halo milagre ne’ebe mak iha, ho nia haraik aan ne’ebe mak iha no nia servisu proteje ema hotu-hotu no PNTL nia esperansa mos haktuir St. Antonio de Padua nia ezistensia tomak.
Hakarak atu hatete katak selebrasaun loron St. Antonio de Padua hanesan tinan tinan ita hotu hatene katak dia 13 de Juñu 2026 ida ne’e hanesan mos tinan kotuk sira liu ba, ita nia Komando Jeral no Komandante Jeral sira uluk, PNTL hanesan Instituisaun ida ne’ebe mak hili mos ninia mahein ka protetor St. Antonio de Padua hanesan mahein ba PNTL ohin nia loron ne’ebe ohin ita halo prosesaun haleu Suai Villa ida ne’e, depois ikus mai halo missa agradesimentu iha Komando PNTL Munisipiu Covalima no prezidi misa husi Amu Parokia Igreza Ave Maria Suai, no esperansa ne’ebe ita atu husik hela mak ida ne’e liu husi protetor mahein St. Antonio de Padua nian ezemplu milagre sira ne’ebe mak iha, ho haraik aan sira ne’ebe mak iha, ho ninia servisu ne’ebe mak iha hodi proteze ema hotu-hotu no PNTL nia esperansa hanesan mos atu haktuir St. Antonio de Padua nia servisu ne’ebe mak hanesan santu, milagre oi-oin ne’ebe mak halo, hakarak aplika iha atuasaun polisia ninian, liu liu atu oinsa halo atuasaun ne’ebe mak ho haraik aan laran luak, hakarak halo aproximasaun ema hotu hotu ho komunidade atu nune’e ita nia objetivu ba seguransa para fo satisfasaun ba ema hotu hotu iha nasaun Timor-Leste espesial iha Munisipiu Covalima.” Komandante Polisia Munisipiu Covalima, Paulino do Carmo Perreira, haktuir.
Iha ambitu selebrasaun loron Mahein PNTL St. Antonio de Padua iha Komando Munisipiu Covalima ida ne’e no halo missa agradesimentu prezidi husi Amu Parokia Igreza Ave Maria Suai oinsa fo grasa ida ba PNTL Munisipiu Covalima hodi servi ba rai no povu ida ne’e.
Jornalista Paul Mandeu
