Covalima (RCCT) 18-05-25-Loron 15 fulan maiu tinan 2025, iha tuku 26:45 otl instituisaun Siguransa, Polisia Nasional Timor Leste (PNTL) iha Munisipiu Covalima simu lia rekadu ida katak Sargento Xefe Polisia, Carlindo do Nascimento fila hikas ona ba iha aman maromak nia kadunan santu husik hela feto faluk Eugenia Amaral no oan kiak na’in 5.
Maktoban Sargento Xefe Polisia Carlindo do Nascimento moris iha Aldeia Holbelis, Suku Labarai Postu Administrativu Suai, Munisipiu Covalima iha loron 15 Jullu 1958, oan daruak husi maun alin na’in 4, feto na’in 2 no mane na’in 2, husi aman Saturnino Nahak no inan Saturnina Balok, maun alin nain hat.
“Saudoso hala’o nia Estudu iha tempo Portugues Terseira Clase frekuensia, tinan 1973, tempu okupasaun Indonesia Saudoso hala’o nia Estudu Kursu Pendidikan Guru (KPG) Dili, iha tinan 1986 no hanorin iha eskola Primaria Holbelis”
Maktoban Carlindo do Nascimento forma uma kain iha tinan 1980 ho Eugenia Amaral ikus mai hodi hetan oan na’in-5 kompostu husi feto-3 no mane-2, no maktoban hahu tama polisia iha fulan marsu tinan 2003 no hetan kolokasaun servisu primeiru iha eskuadra Fatululik iha tinan 2003-2004.
“Saudoso hahu tama Polisia iha dia, 31 de Marso 2003, Gradua iha dia, 24 de Juñu 2003. Saudoso iha tinan 1980 (Forma uma kain ho Eugenia Amaral hetan oan na’in lima, Feto tolu – mane rua hanesan Elverina Amaral, Eljerico do Nascimento, Jereminita Linda Amaral, Hermenia Amaral Jel, Helder do Nascimento.
“Kolokasaun de Servisu, Esquadra Fatululik 2003-2004, Esquadra Suai 2004-2005, Esquadra Tilomar 2005-2007, Esquadra Suai, Posto Beco 2007-2010, komandu Covalima / Forsa Reserva 2010-2016 . Esquadra Maukatar 2016-2017, Esquadra Fatumea 2017-2020, Esquadra Suai Vila / OPS Labarai 2020-2022, Esquarda Zumalai/OPS Raimea 2022-2023, Komandu Covalima Postu Aero Portu Suai 2023-2025”
Maktoban Carlindo do Nascimento hetan asidente iha Damuk Postu Administrativu Tilomar rejulta kondisaun grave ne’ebé afeta ba nia ulun, ikus mai hodi hakotu nia pregrinasaun iha mundu, Saudosu hetan asidente ne’e wainhira halo’o ninia k’nar hanesan Ofisial Polisia Suku (OPS) iha Suku Beiseuk Postu Admnistrativu Tilomar.
“Iha loron 9 filan Janeiru 2025 komandu Munisipiu koloka saudoso ba Esquardra Tilomar, Ofisial Polisia Suku Beiseuk, tanba dever de servisu saudoso nudar membru Polisia Suku hetan asidente bainhira hala’o hela servisu iha area Damuk no hetan kanek ne’ebé grave iha ulun fatuk hodi hala’o tratamentu durante fulan rua iha Hospital Nasional Guido Valadares Dili, loron Quinta-feira dia, 15 de Maiu 2025 tuku 16:45 otl. Saudoso hakotu is.”
Saudosu hetan promosaun dizisa husi Ajente ba Sarjentu Xefe.
“Promosaun Agente, Agente Xefe, Sargento Xefe, Formasaun: 20 Juñu 2008, 27 Marsu 2016, 27 marsu 2025 Baziku Polisia Training Course Centro Formasaun da Policia 2003, Kursu uza forsa 2003, Kursu Polisia Fronteira 2003, PNTL Registração 2008, saudoso hetan Louvour Em konjuntu, Medalia Halibur husi Sekretaria de Estdo de Defesa 2011, Individual, Medalia de Komportamentu Exemplar Grau Prata husi Ministeriu Interior 2017, Individual, Louvour Publico Comando Geral da PNTL 2018, Saudoso nia prestasaun no dedikasaun servisu ba Instituisaun PNTL durante tinan 21 fulan 10 loron 11.
Distinu Maromak nian mak PNTL promove tan diviza ba Saudoso husi sarjentu ba Inspetor Assistente polisia.
Matebian Carlindo do Nascimento husik hela familia bo’ot iha Instituisaun PNTL no familia husi Uma Lisan DEBUAA no SOLO GATAL no nia fen ho oan kiak na’in lima.
Maktoban dedika nia an iha instituisaun PNTL kompleta tinan 21 fulan 10, loron 11, ikus mai hetan asidente iha Damuk Tilomar, infrenta kanek grave iha nia ulun hodi ba halo tratamentu iha Hospital Nasional Guidu Valadares, maibe la konsege salva, nune’e Carlindo hakotu nia jornada moris hodi ba hamutuk aman maromak, no husik hela feto faluk no oan kiak na’in-5.
Jornalista : Julio Salinas
Editor : Chamot Nahac
