Covalima (RCCT) 04-07-23–Komandante PNTL Munisipiu Covalima Superintendente Polisia Basilio de Jesus husu Joventude sira iha Zumalai la bele sai autor ba destroi Nasaun RDTL.
Komandante Munisipiu Covalima dehan lia ne’e relasiona ho akontesementu durante ne’e Joven deskonesidu sira ne’ebe sempre hatauk ema no halo ameasa ba komuidade sira mak halo viazen ba mai liu husi auto Estrada.
“Husu ba ita nia joven sira labele sai autor atu sai destroi estabilidade nasaun nian, maibe husu ba joven sira atu sai autor hodi kontribui ba dezenvolvimentu nasional proprio iha rai Covalima proprio liu iha Postu Zumalai ida ne’e” informa Komandante.
Nia afirma ho asaun sira ne’ebe mosu iha auto Estrada halo ema paniku tebes, ema tauk atu halo vizita mai iha Suai, ema tauk atu halo movimentu iha oras kalan.
Lider masimu PNTL iha Covalima ne’e husu ba ema hotu atu labele paniku no tauk wainhira halo viazen ba mai Dili Suai liu husi auto Estrada.
“Tanba ne’e hahu husi ohin ba oin hakarak publika ba ema hotu ne’ebe hakarak mai vizita iha Covalima, movimentu Dili-Covalima laliga tan duvida ou laliga tauk atu ultrapasa liu husi auto Estrada Suai nian” nia haktuir.
Entretantu Komandante PNTL Covalima Sup Inter Pol Basilio de Jesus dehan lia ne’e, sexta foin lalais, wainhira hamotuk ho bombeiru Covalima no komunidade sira halo limpeza kontinuasaun iha auto Estrada Area suku thasilin postu administrative Zumalai
Jornalista : JS
Editor : CN
