Covalima (RCCT) 06-09-23–Covalima Oan sei harii santuario iha Igreja Suai tuan, hanesan fatin ne’ebe iha fulan Setembru tinan 1999 liu ba milisia Laksaur ho Mahidi oho Amo na’in-3 (Amo Ilariu, Amo Sico, Amo dewanto) no sarani lubuk ida.

Prezidente Komisaun Organizador ba Masakre Setembru Negro Suai, Domingos de Oliveira kodigu “Foti Riba” haktuir, fundu atu hari Santuariu ba amo nain 3 no sarani sira ne’e mai husi Covalima oan hotu.

“Nudar ema Covalima oan sempre fo apoiu no kontribuisaun ba 25 anos, tanba iha 25 anos ne’e ita sei harii tan monumentu ida ho santuariu iha fatin ne’eba han orsamentu boot, tan ne’e tantu veteranus Forsa, PNTL, funsionariu publiku nudar Covalima oan tenke tau ninia kontribuisaun” informa Prezidente Komisaun Organizador ba Masakre Setembru Negro Suai, Domingos de Oliveira kodigu “Foti Riba”

Administrador Munisipiu Covalima, Francisco de Andrade, reforsa konaba dezeno no BOQ ba Santuariu ne’e, Administrasaun Covalima finalize ona, nia mos salienta hodi husu ba povu Covalima atu iha konsiensia hodi fo kotribuisaun osan hodi konstrui santuariu ba sarani sira nebe mate hamotuk ho amo nain 3 iha igreja suai, iha loron 6 fulan setembru 1999 liu ba.

“Iha Covalima ita sei harii santuariu ida iha igreja tuan, durante ne’e ita halo enkontru dala barak ona ne’ebe fo traballu mai iha administrasaun kata kami mak halo dezenu no BOQ, tan ne’e dezenu ho BOQ remata ona, tan ne’e husu hahu husi veteranus tantu familia matebian sira hotu tenke tau osan hotu” Administrador husu.

Entertantu tuir planu atu harii santuariu ida ne’e sei gastu orsamentu ho montante $ millaun ida resin, no osan ne;e sei kontribuai husi covalima oan rasik tantu funsionariu, sarani no povu Covalima hotu nebe iha hela rai laran no diaspora.