Covalima (RCCT) 14-07-25-Sabadu foin lalais loron 12 fulan jullu 2025, Partidu Demokratiku (PD) fo pose ba Estrutura Postu Fatululik, Munisipiu Covalima hamotuk ema na’in 88 ba Periodu 2025-2030.
Reprejenta Prezidenti Partidu Demokratiku (PD) Augusto Junior Trindade hatete, empozadu hamotuk 88 ne’e hetan konfiasan husi militante atu jere Partidu Demokartiku (PD) iha Postu Administrativu Fatululik.
“Kuandu ita bo’ot sira fo konfiansa partidu ida ne’e sei bele asegura ita bo’ot sira nia konfiansa ba mehi bo’ot ba libertasaun rai ida ne’e husi ohin ita tama fase importante tebe tebes ba konsolidasaun iha Postu ita bo’ot sira servisu makas tebe hahu kedas husi reajustamentu suku iha fatululk iha suku rua maibe ita bele hatete katak Postu ida ne’e Postu ida importante tanba postu ida ne’ebé besik hela ita nia Fronteira. Nonu Governu Konstituisional ida ne’ebé partidu demokratiku iha ne’eba sai hanesan baze para oinsa ita bele halo buat ruma hanoin ba oin ba ita nia oan no bei oan sira no ba ita nia jerasaun hotu tuir mai” Reprejenta Prezidenti Partidu Demokratiku Augusto Junior Trindade. Informa.
Sorin Seluk Sekretariu Konselhu Polítiku Nasional (CPN) PD, Manuel de Carvalho (Lito Rambo) husu ba empozadu sira atu reposaveliza konfiansa ne’ebé militante sira depozita ona hodi alkansa alkansa esperansa
“Estrutura ezisti ona Enkontru iha suku kada fulan tolu tolu ka depende imi nia desizaun ne’e importante obrigasaun entre Postu ba suku no ba aldeia ne’e importante para depois enkoraze ita nia estrtura iha aldeia ba nafatin hamrik reprezenta Partidu iha ne’eba” Sekretariu Konselhu Polítiku Nasional (CPN) PD Manuel de Carvalho (Lito Rambo) deklara.
Hafoin simu Pose, Kordenador Partidu Demokratiku Postu Fatululik, Tito Pires da Cruz kompromete sei responsabiliza konfiansa ne’ebé militante depozita ba nia nune’e sei kordena servisu ho estrutura postu, suku no aldeia no halo enkontru kada mensal hodi hato’o programa no planu partidu nian ne’ebé sei halo iha future.
“Ami iha aktividades iha postu sira sei aprezenta ba iha lider nasional sira tanba ha’u ko’alia ona ho estrutura sira antes atu hakat an ba iha koordenador no sei loke aktividades PD Cap iha postu fatululik iha fin do ano para ita bele katak komunidade ho joven sira hatene ona saida mak politika. Tanba ita lori ita nia osan no lori saida ba iha tempu kampaña sira la simu no sira lavaloriza saida mak ita halo ba sira maibe ita prepara agora saida mak ita halo ba sira no saida mak di’ak ba sira sira sei loron ida sie valoriza buat ne’ebé mak ita halo ba sira” Kompromete Empozadu Kordenador Partidu Demokratiku Postu Fatululik Tito Pires da Cruz
Estrutura PD Postu Fatululik hamotuk na’in ualu nulu resin ualu (88) kompostu husi estrutura ezekutivu 22, Muller Demokratiku 22, Movimentu Profesional Demokratiku 22 no Joventude Demokratiku 22 ne’ebé simu konfiansa husi militante sira ba periodu 2025-2030
Jornalista : Alfredo Barreto
Editor : Chamot Nahac
