Covalima (RCCT) 20-05-25-Relasiona ho Restaurasaun Indenpendensia Timor-Leste ba dala 23, ne’ebé monu iha loron 20 Fulan Maiu 2025, durante ne’e povu Sente ona dezenvolvimentu liliu la’o iha Munisipiu Covalima.
Prezidente Autoridade Munisipiu Covalima, Miguel Armada Cardoso “Razão” hatete durante ne’e povu barak sente ona dezenvolvimentu, maske nenek maibe la’o ho kontinuasaun, nia dehan konaba grande projetu iha Covalima hotu hotu ne’e responsabilidade nasional.
“Ohin loron Ita komemorasaun restaurasaun indedependensia ba dala XXIII iha Munisipiu, Ita ko’alia konaba dezenvolvimentu iha Munisipiu Ita la’o hela, ko’alia konaba grande projetu responsabilidade husi nasional, ne’ebé identifika ona hanesan estrada balu di’ak ona Ita hare, ba iha Munisipal nian hanesan Planu Dezenvolvimentu Integradu Munisipiu (PDIM) iha tinan 2024, ho projetu 8 ne’ebé maka mai ho Nia orsamentu Ita mensiona, nune’e mos Ita iha projetu Ida husi orsamentu poupansa nian, hamutuk projetu 9 finaliza ona projetu 8, maibe iha projetu Ida maka seidauk finaliza tanba la konsege remata, Ita ezekusaun iha 2026, Ita mos ko’alia konaba projeitu PNDS nian iha 2024 barak maka la remata maibe Liu husi ita nia servisu hamutuk PAM ho Sekretariu Munisipal na’in-3 orienta ba Sira hodi identifika projeitu hirak ne’ebé la remata konsege Ita ezekuta pursentu 70 ne’ebé ita nia ezekusaun la’o di’ak, no povu mos sente dezenvolvimentu uda ne’e” informa PAM Covalima, Miguel Armada Cardoso “Razão” ba Jornalista sira hafoin remata serimonia hasa’e Bandeira Nasional ba komemora loron indenpendensia Timor Leste ba dala 23 ne’ebé hala’o iha Kampu Futebol Ladi, Kamanasa, Suai, Tersa (20/05).
PAM afirma ba Planu Asaun Anual (PAA) ba tinan 2026 Covalima deside ona sei implementa tan projeitu 27 iha Covalima.
“Liu husi biban Ida ne’e hakarak atu hato’o ba publiku katak Ita identifika projetu fundus infraestrutura nian iha projetu 7, no nune’e mos Ita identifika ona Liu husi reuniaun Konsellu Suku to’o mai iha Asembleia Postu Administrativu (ASPA) no Liu Mai ta’es iha reuniaun Konsellu Koordenasaun Munisipal (KKM) defini no registrasi ona tinan oin Ita sei aprezen tan iha PAA 2026 ne’e iha projetu 27” informa PAM.
PAM Covalima Miguel Armada Cardoso “Razão” dehan sei esforsu hodi buka solusaun atu finaliza projetu ida ne’ebé seidauk finaliza husi projeitu PDIM 8 tinan 2024 nian. No mos iha PAA 2026, Covalima ta’es projetu 27 atu bele implementa.
Jornalista : Julio Salinas
Editor : Chamot Nahac
