Covalima (RCCT) 28-05-25-Prezidente Autoridade Munisipiu (PAM) Covalima Miguel Armada Cardoso “Razão, duvida ho kuñesimentu husi Lideransa Komunitaria (LK) sira konaba sidadaun Covalima balu ne’ebé agora buka moris iha estrajeiru liu liu iha Kalimatan no Papua Indonesia inklui iha Malaysia.
Ema Dahuluk iha Munisipiu Covalima, dehan Xefe Suku no Xefe Seksaun Komunitaria iha Postu Administrativu sira tenki iha lista hodi bele priense ba livru 18, nune’e bele hatene komunidade ida sai husi Covalima ba buka moris iha estrajeiru liu liu Indonezia no Malaysia.
“Xefe Suku sira, Xefe Seksaun Komunitaria sira, dala barak ita nia ema sira lakon, mosu fali iha Kalimantan Indonesia no iha Malaysia, imi iha dadus ka lae?, imi hatene katak livru 18 iha ka lae?, livru 18 ne’e atu prosesa ba iha dadus ne’e” Prezidente Autoridade Munisipiu (PAM) Covalima Miguel Armada Cardoso “Razão, duvida !.
Prezidente Autoridade Munisipiu (PAM) Covalima Miguel Armada Cardoso “Razão” dehan livru 18 ne’ebé distribui ona ba kada Suku, atu fasilita Funsionariu Apoiu Suku halo enumerasaun ba dadus populasaun.
“Se livru 18 ne’e imi hotu komprende, imi hotu priense tuir ida ne’e ha’u fiar katak dadus laiha problema, total populasaun tinan ida ne’e ezemplu iha suku ida ne’e ema 1.000, imi tenke alista bebeik, tanba ida ne’e maka funsionariu iha suku ida ne’e iha, atu hodi foti dadus populasaun konaba tinan ida bebe moris na’in hira?, ema mate hira iha suku ida ne’e?, ema hira maka muda hela fatin husi suku ida ne’e ba hela iha suku seluk?, husi suku seluk muda mai hela iha suku ida ne’e hira?. Dadus ida ne’e tenki kompletu.” Tenik, PAM Covalima.
Enkuantu durante Autoridade Covalima seidauk iha dadus serteja konaba populasaun na’in hira mak buka moris iha estrajeiru partikulamente iha malaysia no Kalimatan indonesia, liu liu konaba prosedimentu “ ba Servisu uja visa traballu ou liu husi dalan ilegal”.
Tanba ne’e Prezidente Autoridade Munisipiu (PAM) Covalima Miguel Armada Cardoso “Razão” optimista husu ba Lideransa Komunitaria sira no funsionariu apoiu Suku na’in-4 ne’ebé destaka kada Suku atu halo lista hodi priensa dadus iha livru 18 ne’ebé iha ona..
Jornalista : Julio Salinas
Edotor : Chamot Nahac
