Covalima (RCCT) 15-05-24-Prezidente Autoridade Munisipiu Covalima, Miguel Armada Cardoso, konvoka enkontru no selebra akordu ho komunidade afetadu sira ne’ebé oferese sira rai ba estadu hodi hala’o konstrusaun estada foun liga ba merkadu Suai ne’ebé sei hahu husi Tua Derek, Aldeia Ailok Laran Suku Kamenasa ba to’o Prizaun Suai.
Prezidente Autoridade Munispiu (PAM) Covalima, Miguel Armada Cardoso, orgullu ho desizaun komunidade sira ne’ebé hakarak oferse sira nia rai ba estadu atu halo dezenvolvimentu ne’ebé planuadu ona iha 2015 maibe la konsege realiza.
“Ohin asina ona akordu ho nain ba rai sira liliu ba komunidade na’in 9, ha’u orgullu tebes tanba iha inisiu husi 2015 ha’u nudar administrador postu administrativu iha postu suai , prosesu tomak atu loke dalan foun iha momentu ne’eba ami identifika, maibe la konsege iha finalidade tanba iha na’in ba rai ida ka rua mak seidauk konkorda, iha prosesau tinan 9 nia laran ita laiha finalidade maibe ohin loron dia 15 de maiu 2024 hetan ona solusaun no hetan ona kolaborasaun husi komunidade na’in ba rai na’in 8 ne’ebé mak ofrese ona sira nia rai hodi loke dalan foun hodi nune’e hakat ba merkadu laran dalan tama iha ona tanba sira ofrese ona sira nia rai, entaun ita resolve ona dalan sai ba negosiante sira merkadu Covalima mos sai hanesan ba oin mehi hela atu sai merkadu rezional” PAM Covalima Miguel Armada Cardoso esplika.
Iha hanesan Reprezentante na’in ba rai Afonso Gusmão sente kontente tanba bele ofrese rai ba estado hodi dezenvolvimento ne’ebe mak di’ak nune’e bele fasilita ema hotu atu bele asesu ba merkaduria.
“Ha’u sente kontente hanesan nain ba rai tanba bele hetan dalan hodi nune’e ami bele uza ba mai bele fasilita ami ba iha merkadu ho diak no kareta bele tula sasan rumma ho diak tanba ne’e ma kami kontetenti” dehan Afonso
Komunidade Afetadu ba kosntrusaun estrada foun ba merkadu suai ne’e hamotuk ema na’in 9, maibe foin mak kominidade rai na’in 8 mak selebra ona akordu ho Autoridade Munisipiu Covalima no na’in ida seluk seidauk.
Entretantu Prezidente Autoridade Munisipiu Covalima, Miguel Armada Cardoso, akompaña husi Administrador Postu Administrativu Suai, Diretór Servisu Munisipal Obras Publiku, Diretór Servisu Terras Priedade no Kadastru, Komandante Polisia eskuadra Suai,
Jornalista : Moichung
Editor : Chamot Nahac
