Covalima (RCCT) 31-01-24- Husi kedas iha fulan dezembru 2023 Ospital Referal Suai Infrenta ona Stock Out Aimoruk item 54. Nune’e ospital referal suai hato’o pedidu regular ba Aimoruk hamotuk Item 166, maibe iha fulan Janeiru tinan ne’e, Institutu Nasional Farmasia no Produtu Mediku responde ona item 69, falta ai moruk item 97 mak sei nafatin mamuk iha ospital suai.

Nune’e Diretor Ezekutivu Ospital Referal Suai Geraldo Francisco da Cruz relata konaba tipu aimoruk esensial, konsumevel no vital sira mak dadaun ne’e stock out iha ospital referal Suai.

“ em neste momentu ita infrenta hela problema estok aimoruk nebe uot iha fulan dezenbru iha aimuruk 54 item nebe mak no aimoruk ne baihira iha fulan januari total iha 69 item mak tama iha ospital referral suai maibe halo pedidu regular iha 166 ho tipu aimoruk esensial, konsumaveis, ho vital mos stock out” Relata Diretor Ezekutivu Ospital Referal Suai Geraldo Francisco da Cruz

Diretór Ezekutivu Ospital Referal Suai Geraldo Francisco da Cruz fundamenta relasiona ho aimoruk item 97 ne’ebé stock out, ospital referal suai uza fundu ospitalar ne’ebé lei fo dalan hodi sosa aimoruk iha farmasia nune’e bele hodi halo atendementu ba situasaun emerjensia sira.

“sobre atende emerzensia, ida ne’e ami iha fundus ospital balu, ne’ebé lei fo dalan atu bele kompras uituan uituan atu nune’e bele atende, karik iha emerzensia ruma ne’ebé tama iha ospital ida ne’e no pedidu kada fulan ami hato’o iha sentrais no agora muda ba INF medikamentu ne’ebé ami bele kompras iha klinika balu ne’ebé mak bele kompras hanesan foho osan mean, aimoruk ne’ebé mak ami bele sosa mak injeksi hanesan hidrokortison,ida ne’e ita hakarak rai iha emergensia no ampicillin, se karik ita presiza aimoru sira ne’e ba iha emerzensia hospital” Diretór ne dehan.

Entretantu Diretór Ezekutivu Ospital Referal Suai Geraldo Francisco da Cruz mos relata katak relasiona ho menus aimoruk ne’e fo impaktu ladiak atu hodi halo atendimentu ba pasiente sira, maibe Diretor ne’e dehan to’o agora ospital referal suai seidauk hasoru situasaun ne’e.

Jornalista : Moichung

Editor : Chamot Nahac