Covalima (RCCT) 08-02-24-Nonu Guvernu Lideradu Primeiru Ministru Kay Rala Xanana Gusmão liu husi Minsteriu Petroleu no Rekursus Minierais (MPRM), kontinua Sosializa projeitu kosta sul ba komunidade afetadu Suai Supply Base (SSB) iha Covalima.
Durante Sosializasaun ne’e, Ministru MPRM, Fransisco da Costa Monteiro, hateten Suai Supply Base importante tebes tanba bele halo dezenvolvimentu no industrializasaun ba iha setor petroleu iha Munisipiu Covalima.
“Dezenvolvimentu kosta sul hahu husi suai, tanba iha suai ne’e iha prosesu lubuk ida ne’ebé maka Nonu governu tau hanesan preoridade, difini mos iha planu no programa no pulitika ministeriu petroleu no rekursus minirais nian ida bo’ot tebes mak imi hotu hatene suai Supply base parte ida Importante tebes iha ita nia planu no vizaun dezenvolvimentu ita nia setor petroliu nian, hanesan ita dehan atu halo industrializasaun setor petroliu nian entaun komponente ida suai supply base ne’e importante tebes, husi suai supply base ne’e iha mos fasilidade komplementares balu maka bele apoiu, mak hanesan airo portu suai nian, uluk hari tia ona uza ituan mais ita presija intenfika liu tan iha utilizasaun ne’e I ami ko’alia dadauk ona ho kompaña operadores sira para iha tinan ida ne rasik mos presiza uja una airoportu ida ne” esplika MPRM.
MPRM Francisco da Costa Monteiro, dehan Impelemtasaun SSB atu la’o ho di’ak, persija halo kolaborasaun ho autoriade sira hodi hetan apoiu ba planu ministeriu nian ne’ebé atu realiza perfurasaun mineru iha futuru.
“Atu aproveita ida ne’e, husu koperasaun no kolaborasaun ita nian, autoridade sira iha ne’e no ita nia komunidade sira mos iha ne’e kona ba planu balu ne’ebé maka ministeiru sei halao’ ho nia parseiru sira hanesan timor resources, timor gap, sira sei halo perfurasaun balu iha munisipiu Covalima iha futuru karik esplorasaun mineirus ho seluk seluk tan bele hetan mos apoiu husi komunidade tomak ho autoridade lokais sira iha ne” Tenik nia.
Partisipa iha Sosializasaun ne’e, Xefe Suku Belekasak Leonito Gusmão reprezenta komunidade Suku Belekasak ne’ebé afetadu ba SSB no projeitu nova suai to agora seidauk hetan kompensasaun ba sira platansaun.
“Ha’u nia komunidade afeitadu kuaze lubuk ida, ita triste tanba ema ne’ebé mak sai afeitadu, hanesan autoridade ita la hetan dadus ida ne’ebé mak ita iha, povu afeitadu Belekasak ninian iha area rua hanesan area Suai Supply Base no projeitu Nova Suai ninian no komunidade nia prekupasaun durante ne’e mak hanesan ita ohin sosializasaun, maibe konvensa ba ne’ebé mak ita iha baihira mak fo Konpensasaun” dehan Xefe Suku Belekasak.
Enkuantu aktividades ne’e halo iha salaun Administrasaun Covalima hetan partisipasaun husi Minstru Petroleu no Rekursus Minierais (MPRM), Francisco da Costa Monteiro no Sekretariu Munisipal Administrasaun Finansas Covalima, Alberto Monis de Araujo, Comandante PNTL Munusipu Covalima, Konsellu Veteranu, Diretores Munisipais sira, no Administrador Postu Administrativu 7, Xefe do Suco sira inklui komunidade ne’ebé afetadu ba Suai Supply Base.
Jornalista : Moichung
Editor : Chamot Nahac
