Covalima(RCCT)28-08-2025-Ministeriu Obras Publika (MOP) liu husi Diresaun Jeral Habitsasaun no Urbanismu hala’o sosializa Dekretu Lei Numeru 9/2022 de Fevereiru konaba Rejime Juridiku Edifikasaun no Urbanizasaun ba Autoridade no Liderasan Suku Sira iha Munisipiu Covalima.
Diretór Jeral Habitasaun no Urbanizasaun Domingos de Jesus Sequeira, iha nia deskursu dehan katak Dekretu Lei numeru 9/2022 de Fevereiru ne’e hodi regula sidadaun hotu atu displina kuandu iha planu hakarak halo konstrusaun ruma.
“Ohin iha suai ita halo sosializasaun dekretu lei N.9/2022 no mos lei N.1/2025 konaba lei organistika I haforsa ba dekretu lei N.9/202. Wainhira ita la hala’o sosializasaun hanesan ne’e, nunka mais atu akontese ema hotu-hotu atu respeit, dixiplina hari konstrusaun karik hanesan Indonesia nian ema dehan izin mendirikan bangunan ida ne’e mak agora daudaun nasaun Timor Leste mos produz ona lei ida ne’e hodi sosializa ba komunidade hotu-hotu temporariamente liu husi munisipiu ida-idak” Diretór Jeral Habitasaun no Urbanizasaun Domingos de Jesus Sequeira, dehan.
Tan ne’e maka Prezidente Autoridade Munisipiu Covalima (PAM) Covalima, Miguel Armada Cardoso (Razão) husu entidade hotu iha Covalima, liu liu Lideransa Suku no Postu sira atu hatutan informasaun ne’e Komunidade sira iha baze hodi bele hatene konaba funsaun husi dekretu lei numeru 9/2022 de Fevereiru, Rejime Juridiku Edifikasaun no Urbanizasaun
“Tanba ida ne’e mak diretór servisu munisipal sira, delegasauin territorial, APA sira, Veteranus sira ba madre sira, sosiedade sivil. Ita iha hakarak halo bangunan ka konstrusaun ida tenke ser deside iha lei ruma iha dezeñu. Lei sira ne’e bele fo biban ba ami munisipiu. Partilla informasaun sira ne’e tutan ba iha suku. Ba suku sira bele ba komunidade iha postu sira hodi nune’e ita nia ema sira ne’e hatene hodi implementa. Sosiedade Sivil sira mos tenke kumpri lei ne’ebé mak ita iha” Razão dehan.
Atividade sosializasaun dekretu lei 9/2022 de Fevereiru, Rejime Juridiku Edifikasaun no Urbanizasaun ne’e partisipa husi Prezidente Autoridade no Diretór Servisu Munisipil, PNTL, Administrador Postu Adminisdor Postu Administrativu, Xefe Suku, Veteranu sira iha Munisipiu Covalima.
Jornalista : Gabriel Amaral da Silva
Editor : Chamot Nahac
