Kordenadora Muzeum Rezistensia Munisipiu Covalima Maria Carvalho Amaral hateten Formasaun ida ne’e atu fahe informasaun ba estudante sira hodi hatene konaba istoria rejistensia ninian.

“Atu habelar nafatin ba iha jerasaun foun sira ligadu ho iha istoria pasadu husi ita nia aman veteranu sira ho inan vetarana sira, tanba sira nia istoria pasadu ita tenke fahe ba estudante jerasaun foun sira katak ohin loron ita hetan liberdade ida ne’e liu husi prosesu ida ne’ebé naruk tebes no sofrementu ne’ebé mak sira simu mak rezultad ita hetan liberdade ba rai ida ne’e” Kordenadora Muzeum Rezistensia Munisipiu Covalima Maria Carvalho Amaral. esplika.

Reprezentante Estudante Cristal Suai Petrus Roky do Santos, konteten tanba depois partisipa iha formasaun ne’e, bele hatene konaba iistoria ne’ebé akontese iha 1974 to’o 1999.

“Tanba istoria ne’be mak akontese iha 1974 ate 1999 historia nebe akontese iha tenpu neba liu husi Muzeu nia planu sira lenbra fali historia sira ne bele pasa fali informasaun ba ami sira ne oinsa ami estudante sira mos bele hatene klean liu tan tanba historia sira ne jerasaun ba jerasaun Sei la haluha historia ne’ebé akontese iha ita nia nasaun Timor-Leste” Estudante Rocky, Dehan.

Entretantu kordenadora Muzeum Memorial Rezistensia Munisipiu Covalima dehan, tinan oin sei kontinua ho programa ne’e hodi fahe tan informsaun ba estudante sira husi eskola seluk. Enkunatu nia mos husu ba foinsa’e sira atu hakbesik ba Muzeum hodi hatene historia sira ne’ebé akontese iha tinan 1974 to 1999.

Jornalista : Moichung

Editor       : Chamot Nahac