Covalima (RCCT) 17-10-23— Polisia Nasional Timor-Leste iha Covalima Selebra misa dahuluk ho Amo Kapelaun Abril Lopes iha komandu Polisia Munisipiu Covalima Segunda (16/10)

Iha nia omilia Amo Kapelaun, Abril Lopes dehan hahalok sira ne’ebé sarani no ema hotu hatudu agora ne’e la’os buat foun, maibe hahalok tuan ne’ebé iha evangelo dehan profeta sira ko’alia ona konaba Jesus nudar mesias.

“Ida ne’e la’os hahalok foun ohin loron ita hasoru iha ita nia moris, maibe hahalok sira ne’e hahalok tuan ne’ebé iha tempu Jesus nian mos mosu no akontese, ita rona iha evangelo ohin Jesus ko’alia maka’as uitoan ba ema sira hodi dehan otas ne’e otas at duni, se ita haree ba todan karik ita nia Jesus ne’e fo malisan, tanba sa maka Jesus hasai lia fuan otas at, kuandu sira haree tiha ona milagre sira kuandu Jesus halo, profeta sira haree tiha ona konaba Jesus nudar mesias ne’ebé maka sei mai, no Jesus mai hodi haklaken no hatudu tiha ona liu husi milagre sira, maibe ema sira nia fuan ne’e hanesan buat ida lakona” haktuir Amo Kapelaun Polisia Nasional Timor-Leste Abril Lopes.

Komandante PNTL Munisípiu Covalima, Superientendente polisia Calisto Gonzaga, rekuñese membru polisia barak maka la partisipa iha misa ne’ebé diriji husi padre Kapelaun PNTL iha Komando Munisipiu Covalima tanba membru barak maka sei hala’o servisu iha terenu.

“Ha’u primeiru ves rona sinais Jonas di’ak liu ita lahatene duke hatene maibe ita la mai, ha’u hatene iha ne’e ema 157 se mai hotu konserteza ne’e liu karik dirativa hasai tiha ona ba eskuadra sira tanba misa ne’e la’os mai iha komandu Munisipiu deit maibe ba eskuadra hotu, ba Ofsial Polisia Suku hotu ba ita hotu ho ita nia familia, mas ita la partisipa masimu, ha’u fiar katak tanba la’os Jonas maibe tanba servisu ne’e ha’u rekuñese” dehan Komandante PNTL Munisípiu Covalima, Superientendente polisia Calisto Gonzaga.

Entertantu misa ne’ebé diriji husi Amo Kapelaun PNTL ne’ebé hala’o iha Komando PNTL Covalima maioria membru polisia barak maka ladun partisipa tanba sei hala’o hela servisu iha terenu.