Covalima, Uniku iha postu administrativu tilomar, iha feto na’in ida Maria Fatima mak re eleita nudar xefe suku iha Maudemu ba periodu tolu ona. Nune’e Maria Fatima hateten sei halo dezenvolvimetu tuir mata dalan ne’ebé Governu iha bazeia ba nesesidade Povu nian.

“ Xefe suku re eleitu ba periodu tolu Iha munisipiu Covlima Postu Administrativu Tilomar iha suku Maudemu. ita hakarak atu hari Suku ka hadi’a ita nia suku tuir mata dalan Governu nian tuir nesesidade komunidade nian ne’ebé maka nesesita ba komunidade mais inportate no urzenti sira ne’ebé mak ita sei halo. husu mos ba feto maluk hotu atu fo nafatin kontribuisaun, hanoin di’ak mai hau atu nune’e ha’u bele dezenvolve suku tuir hanoin hotu hotu ne’ebé maka tau hamutu” Deklara Xefe Suku Maudemu Maria Fatima ba Jornlista sira ha foin simu pose iha salaun administrasaun Postu Administrativu Tilomar.

Nia mos husu tan ba ema hotu iha suku Maudemu “husu ba hotu hotu atu bele tula liman hamutuk tau hanoin hamutuk liu liu husa ba mane maluk sira nafatin fo ita bo’ot sira nia apoiu mai ami feto atu bele hodi dezenvolvimentu” Katak Xefe Suku Maudemu Maria Fatima.

Xefe Suku Beiseuk, sesante Saturnino Cardoso Maia, tau esperasa ba Xefe Suku Eleitu sira hotu atu sai mata dalan ba povu hodi halo dezenvolvimentu iha suku hat ne’ebé partenente iha Postu Tilomar.“Hau nia esperansa ba Xefe Suku Eleitu sira ho nia komposisi eleitu sira Katak Durante mandatu tinan Hitu Sira bele Serbisu di’ak kopera ho povu sira hanesan mos ain liman governu nian iha baze, aumesmu tempu sira mos bele serbisu di’ak ho governu sentral, autoridade Munisipal no postu atu nune’e saida mak Ezensia Povu nian bele atinji, husu ba konsellu suku eleitu, Xefe suku ho nia komposisi sira serbisu ho di’ak no responsablidade tane povu ho konsensia, ida ne’e mak importante atu nune’e sira bele banati tuir saida mak lei suku nian haruka” dehan Xefe Suku Beiseuk Sesante,

Administrador Postu Administrativu Tilomar Benedito Maia relata katak, fo pose ba Konsellu suku iha Tilomar hamotuk suku hat ne’ebé kompostu husi Xefe Suku Emposadu ka eleitu na’in tolu no Xefe Suku re eleitu na’in ida ne’ebé uniku iha Covalima husi Suku 30 so iha Tilomar deit mak iha Xefe Suku Feto na’in ida.

“ suku hat ne xefe suku ida mak sai re eleitu suku tolu sai nudar Xefe suku re eletu entre suku hat ne ninia Xefe aldeia Rua nulu resin tolu Xefe aldeia feto nain hat mak iha laran Xefe Aldeia Halimea, faularan, Aitaman,no xefe aldeia Besak Oan lia nain husi xuku kasabauk lia nain ne mane Suku Beiseuk mane, Maudemu mane, Suksu lalawa lia nan feto nudar autoridade lokal hanoin katak nia esperansa ba futuru maske feto ituan deit maibe hau fiar katak feto iha esperiensia tia ona nudar xefe suku maudemu sai nudar eleitu periodu da tolu ona iha esperiensia Xefe suku nain tolu beseiuk, lalawa, Kasabauk, memu sira foin eleitu maibe sira nurak hau fiar katak bainhira ho xefe aldei dele gadu dele gada, joven feto joven mane no lia nain sira ne kuandu hamutuk hau hanoin sei hakat ba oin laos hakat fila fali mai kotuk ba futuru hanoin sei bele tanba hau fiar katak sira ni unidade sei metin” Nia esplika

Entretantu Iha Postu Administrativu Tilomar, Alende iha Feto na’in ida sai re eleitu nudar Xefe Suku maudemu, iha mos feto nain 4 mak eleitu nudar Xefe Aldeia husi Aldeia 23.

Jornalista: Moichung

Editor      : Chamot Nahac