Covalima (RCCT) 09-06-25-Mane ida ho naran kompletu Marcelino Ventura Cardoso, iha Aldeia Salele Bo’ot, Suku Beiseuk, Postu Administrativu TIlomar, Segunda ohin, hale’u oras tuku sanulu resin rua loro manas hili dalan hakotuk nia vida liu husi tara an iha ninia uma laran.
Familia Matebian Abel da Silva konta katak, wainhira ninia kaben atu ba liga be ba haris fatin, maibe wainhira loke odamatan hare hetan Marcelino tara an hela iha uma laran.
“ohin loro manas ferik oan atu tama ba cok bee para liga ba sentina, odamatan taka, depois nia hare tama iha jandela leten ne’e nia hetan tara an, entau nia ba fanun ha’u hodi dehan “Abel o ba lai, o nia rian tara an” entaun ha’u ba, hafuhu hotu lansun bolu tiu Aje sira mai ami hare nia kondisaun tara an hela iha oras 12 liu” Abel da Silva, konta.
Marcelino Ventura Cardoso moris iha Suku Beiseuk Postu Tilomar, Munisipiu Covalima iha loron 5 fulan maiu tinan 1987. Iha loron 09 fulan juñu 2025, haleu’ oras maizumenus tuku sanulu resin rua Marcelino Ventura Cardoso hakoutu is ho tara an uja tali iha uma laran, hodi termina ninia pregrinasaun iha mundu hamotuk ho familia no nia belun sira.
Engkuantu Relasiona ho insidente Marcelino Ventura Cardoso Nia mate ne’e, parte PNTL Covalima seidauk fo komentariu ba Jornalista sira tanba sei hala’o hela prosesu investigasaun.
Jornalista: Alfredo Barreto
Editor: Chamot Nahac
