Covalima (RCCT) 28-07-25-Ministeriu Administrasaun Estata (MAE) hamutuk ho Institutu Nasional Administrasaun Públika (INAP) fo formasaun tekniku lideransa ba Diretór Servisu Munisipal Obras Publika Munisipal, Servisu Planu Dezenvolvimentu Integradu Munisipal no mos Servisu Agua no Saneamentu husi Munisipiu 12 no Autoridade Administrativu Atauro konaba Planu Integradu no Dezenvolvimentu Obras Publika Servisu Munisipal Agua Saneamentu No Ambiente.
Iha Abertura ba Formasaun ne’e Sekretariu Munisipal Planu Investimentu no Dezenvolvimentu Integradu, Caetano dos Santos Ribeirro konsidera liu husi formasaun ne’e bele aumenta kuñesimentu diretór servisu Munisipal sira nian hodi ezekuta knar no resposabelidade.
“Atividade ida ne’e hanesan preparasaun formasan bazeia ba lei organika hodi prepara tamba iha Dezentralizasaun Administrativu Autoridade Munisipal ninian iha kargu diretóres maibe presiza asistensia formasaun liliu ba iha teknika lideransa nian ne’e importante tebes tanba ho formasaun sira hanesan ne’e diretóres sira inklui ami sekretariu sira bele iha koñesimentu oinsa atu lidera, halo planu jestaun, planu estratejiku.”
Diretór Jeral Dezentralizasaun no Governu Lokal MAE, Antonio Augusto Guterres relata formasaun tekniku lideransa ne’e atu kapasita Diretór Servisu Munisipal husi Munisipiu sira atu bele sai lideransa di’ak hodi lidera kolker atividade no kolker asuntu liga ho kompetensia di’ak ba boa governasaun.
“Ita kapasita sira para atu lider ne’ebé foti desizaun ne’e bazeia ba regras tenki hatudu ninia modelu lideransa ne’ebé di’ak ho introdus nia karakter lideransa ne’ebé lidera asuntu, lidera aktividades, lidera mos kualker asuntus ne’ebé liga ba sira nia kompetensia no tenki hatudu sira nia lideransa ne’ebé di’ak ba boa governasaun” Diretór Jeral Dezentralizasaun no Governu Lokal MAE, Antonio Augusto Guterres relata
Entretantu formasaun tekniku lideransa ba Diretór Servisu Munisipal Obras Publika Munisipal, Servisu Planu Dezenvolvimentu Integradu Munisipal no mos Servisu Agua no Saneamentu husi Munisipiu 12 no Autoridade Administrativu Atauro ne’e hala’o durante loron loron lima, iha salaun administrasaun munisipiu covalima, hahu segunda feira ohin no sei remata iha sexta feira semana ne’e.
Jornalista : Alfredo Barreto
Editor : Chamot Nahac
